PRU MAT 11:2 - Jinghpaw Hanson Version Bible

² shaloi Israela ni gaw, la mung htingbu la kaw, num mung htingbu num kaw gumhpraw rai, aja rai hpyi la mu ga, amyu masha ni hpe tsun da u,” ngu nna tsun wu ai.

Jinghpaw Common Language Bible 2009

² Ya chyawm gaw, Israela amyu masha ni yawng hpe mung, shanhte a htingbu ni kaw na aja arai, gumhpraw arai hpyi la na matu shanhte hpe tsun u,” ngu nna tsun wu ai.

PRU MAT 11:2 ပူးပေါင်းရင်းမြစ်များ

PRU MAT 3:22

numsha hkum shagu tinang a htingbu hte, tinang a nta shingbyi ai num kaw nna gumhpraw rai, ja rai hte hpun palawng hpyi la nna, nanhte a shayi shadang sha ni hpe shanawn na marin dai: shing rai nanhte gaw Egutu masha ni hpe akrin atsai di kau na marin dai, ngu nna Mawshe hpe tsun dat wu ai.

MAHTE 20:15

Nye arai hpe ngai di mayu ai hte maren, n mai di a ni? Ngai mai kaja nga nngai majaw, na a myi akrawn nga lit ni? ngu nna htan wu ai.

HAGI 2:8

Gumhpraw yawng nye a rai nga ai, aja mung nye a rai nga ai, nga nna Zaw nawng zaw wa up ai Yehowa tsun ai.

GA SHAGAWP 13:22

Mai kaja ai wa gaw, kashu kasha ni matu sali wunli ngam da nga ai; yubak kap ai wa a sutgan chyawm gaw, dinghpring ai wa a matu mahkawng da nga ai.

SHAKAWN KUNGDAWN 105:37

Shi a masha ni hpe aja, gumhpraw hte shapraw woi wa nna, Shi a amyu hta kataw ai mi n nga ma ai.

SHAKAWN KUNGDAWN 24:1

Lamu ga hte de a yawng mayawng hta, Mungkan ga hte dai hta shanu nga ai ni nlang hte hpe, Yehowa madu nga ai.

PRU MAT 35:22

Kam jaw ai shawang myit rawng ai numsha lasha ni yawng, ja hkaidang, ladi shanghkawng, lachyawp, lahkawn, re ai aja arai ni la sa ai: Yehowa hpe aja kumhpa jaw ai ni yawng du sa ma ai.

PRU MAT 32:24

ngai mung, Ja lu ai wa kadai mung, raw mu ga, ngu mawe ai: dai hte maren shanhte ngai kaw ja la sa nna, dai hpe wan hta ngai bang we yang, ndai dumsu kasha pru wa ai,” ngu nna htan wu ai.

NINGPAWT NINGHPANG 31:9

Shing rai Karai Kasang gaw nan a nwa a yamnga ni hpe shaw la nna ngai hpe jaw kau ni ai.

NINGPAWT NINGHPANG 24:53

Bai dai kunhting wa gaw, gumhpraw sumli rai, aja sumli rai hte hpun palawng re ai ni shaw nna Rebeka hpe jaw wu ai; kanu yan kayung wa hpe mung hpu ai baw amyu myu jaw wu ai.

PRU MAT 3:21

Ndai amyu hpe Egutu masha ni a man e ngai myi man pa shangun na mawe ai rai nna, nanhte pru wa lu ai shaloi kaman pru wa na myit dai n rai: