PRU MAT 10:9 - Jinghpaw Hanson Version Bible

⁹ Shaloi Mawshe gaw, “Anhte sa na rai yang, Yehowa a man e anhte poi galaw na rai ga ai majaw, anhte a ma kaji ni gumgai dingla ni, anhte a shayi shadang sha ni, anhte a sagu bainam yamnga hpung ni hte nawng sa na rai ga ai,” ngu nna htan wu ai.

Jinghpaw Common Language Bible 2009

⁹ Mawshe gaw, “Anhte a ma kaji ni, asak kaba sai gumgai dingla ni hte hpawn anhte yawng hkra sa na ga ai. Anhte gaw dai Madu hpe shagrau hkungga ai poi galaw na ga ai majaw anhte a shayi shadang sha ni, sagu, bainam hte dumsu yam nga hpung ni hte nawng woi sa wa na ga ai,” ngu nna htan wu ai.

PRU MAT 10:9 ပူးပေါင်းရင်းမြစ်များ

PRU MAT 5:1

Dai hpang Mawshe yan Arun gaw Hpara-u kaw shang nna, Israela a Karai Kasang Yehowa ning nga ai, “Nye a amyu masha ni nam e nye a matu poi sa galaw lu mu ga shanhte hpe dat dat mu, nga ai,” ngu nna sa tsun mu ai.

PRU MAT 3:18

Shanhte mung na a ga madat na ma ai; shing rai, nang hte Israela a salang ni gaw Egutu hkawhkam kaw shang nna, Hebre masha ni a Karai Kasang Yehowa gaw anhte hte hkrum sai; dai rai nna, anhte a Karai Kasang Yehowa hpe hkungga jaw lu na nam mali de lam masum ya sat sa lu na ahkang anhte hpe jaw mi, ngu nna shi hpe tsun na rai myit dai.

EHPESU 6:4

Nanhte mung, nu wa ni e, nanhte a kasha ni hpe masin hkum shapawt myit: dai Madu a sharin achyin ai hte daru shadum ai lam hta, shanhte hpe bau maka nga mu.

HPAJI NINGLI 12:1

Na a brang ram prat e, na a Hpan Wa Ningsang hpe mung adum nga u: “Dai nhtoi ni hpe ngai n ra ni ai,” nga nna myit ru myit ra ai nhtoi ni garai n du ai hte, shaning ni garai n ni wa yang;

GA SHAGAWP 3:9

Na a sutgan hte shawng ngai ai nsi naisi yawng hta na, Yehowa hpe hkungga let nawng ya u:

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

BU HKAWM 29:12

Bai, dai shata shi manga ya shani e chyoi pra ai zuphpawng hpawng na rai myit dai: amu bungli n galaw ai sha, sanit ya tup Yehowa a matu poi galaw na rai myit dai;

PRU MAT 13:6

Sanit ya tup matsi n rawng ai muk nang sha nna, dai sanit ya nhtoi hta Yehowa a poi rai na rai nga ai.

PRU MAT 5:3

Bai, shan gaw, “Hebre masha ni a Karai Kasang anhte hte hkrum sai; dai re ai majaw, shi anhte hte hkrum katut nna ana ahkya, ri nhtu hte anhte hpe n sat mi ga, nam de lam masum ya sat anhte sa nna, anhte a Karai Kasang Yehowa hpe hkungga sa jaw na, ahkang jaw dat mi,” ngu mu ai.

NINGPAWT NINGHPANG 50:8

Yawsep a nta masha ni yawng, si a kahpu kanau ni, shi kawa a nta masha ni mung, shi hte rau lung wa ma ai: shanhte a ma kaji ni, sagu bainam yamnga hpung ni hpe sha Goshen mung e tawn da mu ai.

PRU MAT 10:10

Hpara-u chyawm gaw, “Ngai nanhte hte nanhte a ma kaji ni hpe dat dat made ai zawn, Yehowa nanhte hte rau nga u ga; sadi nga mu; nanhte gaw myit magaw she myit nga myit hka;

PRU MAT 10:26

anhte a yamnga ni mung gawt sa wa na rai ga ai; lahkru lanai mi mung ngam da na n rai; kaning rai nme law, dai ni hta anhte lata la nna anhte a Karai Kasang Yehowa hpe jau na rai ga ai: dai de garai n du yang gara mahtang Yehowa hpe sat nawng na gaw, anhte n chye ga ai,” ngu nna tsun wu ai.

PRU MAT 12:32

Nan tsun myit dai hte maren nanhte a sagu bainam, yamnga hpung ni gawt nna sa wa masit: ngai e mung shaman ya da mi,” ngu nna tsun wu ai.

PRU MAT 12:37

Shaloi Israela kashu kasha ni gaw Ramese kaw nna Suhkut de sa wa ma ai: ma kaji e n hti yang lagaw hte hkawm lu ai wa-ngan sen kru daram rai ma ai.

PRU MAT 12:38

Amyu kaga law law ni mung, sagu bainam, yamnga hpung law law hte shanhte kaw hkan nang lung wa ma ai.