PRU MAT 10:2 - Jinghpaw Hanson Version Bible

² na a kasha ni hte nshu ni a na hta nang hkai dan nga lu na matu, Hpara-u hte shi a agyi salang ni a ka-ang e ndai nye a lamik kumla dan lu na matu, Hpara-u hte shi a agyi salang ni a ka-ang e ndai nye a lamik kumla dan lu hkra shi a masin hpe mung, shi a agyi salang ni a masin hpe mung, ngai shaja ya mase ai,” ngu wu ai.

Jinghpaw Common Language Bible 2009

² mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

PRU MAT 10:2 ပူးပေါင်းရင်းမြစ်များ

YOELA 1:3

Dai lam nanhte a nshu nsha ni hpe hkai dan mu; shanhte gaw tinang a kashu kasha ni hpe, hkai dan mu ga; bai shanhte gaw shu mashi shu masha prat na ni hpe hkai dan mu ga.

TARA JAHPRANG 4:9

Dai rai nna, nang hkum nan myi chyi mu lu sai lam ni hpe nang n malap kau ai sha, prat dingsa matsing gun nga lu n ga, tinang hkum nan sadi nna, tinang myit masin hta a maja nga u; dai lam ni hpe na a nshu nsha ni e mung sharin achyin ya nga u:

PRU MAT 13:14

“Hpang prat e, Ndai hpa rai ta? nga nna na nsha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai:

SHAKAWN KUNGDAWN 44:1

Karai Kasang e, anhte na hte anhte na yu saga ai, anhte a ji woi ni anhte hpe hkai dan ma ni ai: Moi ji woi ni a lakhtak e, amu langai mi nang galaw nit dai.

PRU MAT 7:17

Yehowa tsun ai gaw, Ngai Yehowa rai nga nngai gaw ndai lam hta nang chye lu na ndai; yu u, nye a dawhkrawng hte ndai hka nu hpe kayat nna dai hka gaw asai tai na ra rai:

EHPESU 6:4

Nanhte mung, nu wa ni e, nanhte a kasha ni hpe masin hkum shapawt myit: dai Madu a sharin achyin ai hte daru shadum ai lam hta, shanhte hpe bau maka nga mu.

EZEKELA 20:28

shanhte hpe jaw na ngu, ngai dagam da ai mung de, woi wa yang, shanhte gaw tsaw ai kawng shagu hte, wum ai hpun shagu hkungga nawng ya let, ngai hpe pawt bu shangun ai kumhpa ni jaw nga ma ai: dai yang e mung, shanhte manam pyaw ai baw nat nawng ya nna, dumhpung hkungga ru jaw mu ai.

EZEKELA 20:26

ngai Yehowa rai nga ai hpe shanhte chye lu hkra, shanhte hpe shamyit kau na matu, kasha alat ni hpe wan nat hkungga shatai ai hta, shanhte a kumhpa ni hte nawng, ngai shanhte hpe awu asin di kau nngai.”

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

SHAKAWN KUNGDAWN 58:11

Shing rai masha ni gaw, “Gaja wa, dinghpring ai ni a matu, sali wunli nga nga nna, Karai Kasang nan ga ting hta e, gaja wa tara dara nga ai,” nga nna tsun na mara ai.

PRU MAT 7:5

Shing rai Egutu mung a ntsa e nye a lata dawn nna, shanhte a kata na Israela a kashu kasha ni hpe ngai shapraw wa ai shaloi, ngai Yehowa rai nga nngai gaw, Egutu masha ni chye na mara ai,” ngu wu ai.

2 SAMUELA 7:22

Dai re ai majaw, Yehowa Karai Kasang e, nang galu kaba nga ndai law. Anhte na yu sai lam yawng mayawng hte maren, nang hte bung ai mi n nga ai, nang hta kaga Karai Kasang shaje n nga ai.

PRU MAT 8:6

Shing rai Arun gaw Egutu mung ting na hka ntsa e shi a lata dawn wu ai rai nna, shu ni lung wa ai hte Egutu mung ting hprwi rai nga ai.

PRU MAT 14:4

ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

PRU MAT 14:18

Shing rai Hpara-u hte shi a hpyen leng ni, shi a gumra jawn ai ni hta nye a hpung shingkang dan hkung nga ai shaloi, ngai Yehowa rai nga nngai gaw, Egutu masha ni chye na mara ai, ngu wu ai.”

SHAKAWN KUNGDAWN 44:2

Na a lata masha amyu ni hpe shaden kau nna, Ji woi ni hpe hkai da mu ai: Amyu baw ni hpe nang zingri kau nna, Ji wa ni hpe shabran dat mu ai.

SHAKAWN KUNGDAWN 78:3

Anhte na la nna chye ga ai hte maren, Ji woi ni anhte hpe hkai dan mi ai gaw,

ESAIA 38:19

Hkrung nga ai wa sha, gaja wa hkrung nga ai wa sha, dai ni ngai galaw ai hte maren, nang hpe shakawn na ra ai: Kawa gaw kashu kasha ni hpe, na a tengman ai lam sharin na ra ai.