OBEDIA 1:9 - Jinghpaw Hanson Version Bible

⁹ Teman e, Esaw a bum na nlang hte gaw, sat kau ai hte shamyit kau ai hkrum mu ga, na a share ninghkrin ni yaw mat na mara ai.

Jinghpaw Common Language Bible 2009

⁹ Teman a majan share ninghkrin ni hkrit gari mat na mara ai, Edom mung na hpyenla shagu sat kau hkrum na mara ai.

OBEDIA 1:9 ပူးပေါင်းရင်းမြစ်များ

NINGPAWT NINGHPANG 36:11

Elihpa a shadang sha ni gaw, Hteman, Umara, Tsehpu, Gahtam Kenaza hte rai ma ai.

1 HKAWHKAM LABAU 1:45

Yoba si mat yang, Hteman mung na Husham gaw shi a malai shang dung wu ai.

YOBA 2:11

Ya Yoba a jinghku jing-yu ni ngu ai, Teman masha Elihpa, Shuhi masha Bilda, Nama masha Zohpa, marai masum hte gaw, Yoba hta byin ai tsin-yam tsindam mahkra a lam na ma yang, shi hte rau yawn hkyen nna, shi hpe shangwi shapyaw na matu, sa zuphpawng na aten madat da ai majaw, langai hte langai tinang a shara na sa wa ma ai.

YEREMIA 49:20

Dai re ai majaw, Yehowa gaw Edom mung hpe sha-ang nna hpaji daw ai lam, Tema shara e shanu nga ai ni hpe sha-ang nna, galaw na maw ai lam hpe, na la mu: gaja wa, hpyen ni gaw mung masha ni hpe sagu kasha zawn dun karawt la na mara ai; gaja wa shi gaw, shanhte a shanu nga ai ga hpe, shingran katsi ai shara, shanhte a ntsa e, shatai na ra ai.

YEREMIA 49:22

Yu u, hpyen wa gaw langda zawn pyen lung nna, shi a singkaw Bozra ntsa e ka-up na ra ai rai nna, Edom a n-gun ja ai ni a myit gaw, shinggyim machyi hkrum ai num a myit zawn, dai shani e tai na ra ai.

YEREMIA 49:7

Edom mung hpe lakap nna, Zaw nawng zaw wa up ai Yehowa ning nga ai: “Teman mung hta e hpaji ma sani? myit su ai ni hpaji n daw lu ma ni? shanhte nyan htum sani?

EZEKELA 25:13

Madu Yehowa ning nga ai: Edom mung ntsa e nye a lata hpe ngai ladawn nna, masha hte yamnga hpe jahtum kau na nngai; Teman shara kaw nna, dai hpe shingran katsi kau na nngai; shanhte gaw Dedan mare du hkra, nhtu hte htum mat na mara ai.

AMO LAIKA (AMOS) 1:12

Dai rai nna ngai gaw, Teman ntsa e wan jahkrat nna, Bozra htingnu ni hkru mat na ra ai.

AMO LAIKA (AMOS) 2:16

share ninghkrin ni hta nden grau ja ai wa gaw, dai shani hta e, singgu krin hprawng na ra ai, nga nna Yehowa tsun ai.

OBEDIA 1:21

Esaw a bum hpe tara dawdan na matu, hkye hkrang la ai madu ni, Ziun bum de lung wa nna, dai mungdan gaw Yehowa a mungdan rai na ra ai.

OBEDIA 1:5

Lagu lagut ni nang kaw shang nna, shana na damya ni rai yang gaw, shanhte ra ai made sha lagu na ma ai, n rai ni? Tsabyi si di ai ni nang kaw shang yang, shanhte nlim ngam da na ma ai, n rai ni? Nang chyawm gaw, gade wa byak mat hkrum nit hka!

NAHUM 3:13

Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.

HABAKU 3:3

Karai Kasang gaw Teman mung kaw na, Chyoi pra ai Wa gaw Paran bum na, paw pru wa ai. [Selah.] Shi a hpung shingkang gaw, sumsing lamu hpe ka-up nna. Ginding aga gaw shi hpe shakawn ai lam hte hpring nga ai.

TARA JAHPRANG 2:5

Shanhte hpe hkum shatsang mu; Seira bum gaw Esaw hpe ngai ap ya kau se ai re ai majaw, shanhte a lamu ga hta na, ngai nanhte hpe karan jaw na nngai n rai; lagaw kabye na shara pyi karen jaw na n rai.