NINGPAWT NINGHPANG 48:9 - Jinghpaw Hanson Version Bible

⁹ Yawsep gaw, Ndai mung e Karai Kasang ngai hpe jaw ai ngai sha yan rai nga ma ai, ngu nna kawa hpe tsun wu ai. Kawa gaw, Shan hpe ngai kaw sit wa shangun rit, shan hpe ngai shaman ya mawe ga, ngu wu ai.

Jinghpaw Common Language Bible 2009

⁹ Yosep chyawm gaw, “Ndai yan gaw Egutu mung e Karai Kasang ngai hpe jaw ai shadang sha yan rai nga ma ai,” ngu nna htan wu ai. Yaku mung, “Shan hpe ngai hpang de sit wa shangun u; shan hpe ngai shaman ya na nngai,” ngu nna tsun wu ai.

NINGPAWT NINGHPANG 48:9 ပူးပေါင်းရင်းမြစ်များ

NINGPAWT NINGHPANG 27:4

shing rai ngai sha ra ai hku shan shatmai shadu nna, ngai sha ya lu n ga, ngai hpang de la wa rit,” ngu wu ai.

NINGPAWT NINGHPANG 33:5

Bai shi mada yu nna, numsha ni hte kasha ni hpe mu wu yang, Nang kaw nang ai ndai ni gaw, kadai ni rai nga ma ta? ngu wu ai. Yaku gaw, Karai Kasang na a mayam hpe jaw ai ma ni rai nga ma ai, ngu nna htan wu ai.

HEBRE 11:21

Kamsham ai hte Yaku gaw, shi si wa magang yang, Yawsep a kasha yan hpe shaman ya nna, shi a dawhkrawng matu hta madi let nawku wu ai.

ESAIA 8:18

Yu u, ngai mung, Yehowa jaw ai ngai sha ni mung, Ziun bum e shanu nga ai Zaw nawng zaw wa up ai Yehowa kaw na, Israela amyu hta, lamik kumla hte mauhpa lam tai nga ga ai.

SHAKAWN KUNGDAWN 127:3

Yu mu, kashu kasha gaw Yehowa jaw ai sali wunli rai nga ai; Kan a nsi naisi shabrai zawn, rai nga ai.

1 HKAWHKAM LABAU 25:5

Shanhte mahkra gaw hkawhkam a myihtoi wa Heman a lawu e pahtau dum let, Karai Kasang hpe shakawn ma ai. Karai Kasang gaw Heman hpe shadang sha shi mali hte shayi sha masum jaw ya wu ai.

1 SAMUELA 1:27

Ma ndai lu la na matu ngai hpyi nngai: ngai hpyi hte maren Yehowa ngai e jaw ni ai:

1 SAMUELA 1:20

Shing rai Hana na-um nasin rai nna, nhtoi gu jang shadang sha shangai wu ai; dai wa hpe Yehowa kaw hpyi la ai re ai majaw, Samuela ngu nna shamying wu ai.

TARA JAHPRANG 33:1

Karai Kasang a Masha Mawshe gaw, shi garai n si yang, ndai shaman ga hte Israela kashu kasha ni hpe ning nga shaman ya da wu ai.

NINGPAWT NINGHPANG 49:28

Ndai ni mahkra gaw Israela amyu shi lahkawng rai nga ma ai; ga ndai mung shanhte a kawa shanhte hpe tsun nna shaman ya ai rai malu ai: langai hte langai tinang lu la ang ai chyeju hte maren shanhte hpe shaman ya mu ai.

NINGPAWT NINGHPANG 30:2

Dai rai nna Yaku gaw Rahkela hpe masin pawt nna, “Ngai gaw nang hpe asi n si shangun ai, Karai Kasang a malai rai nga a ni?” ngu wu ai.