NINGPAWT NINGHPANG 41:6 - Jinghpaw Hanson Version Bible

⁶ Bai, yu u, de a hpang e kaji ai hte sinpraw nbung e ahpawt kau sai mam n myem gungsi sanit si pru wa ai.

Jinghpaw Common Language Bible 2009

⁶ Dai hpang kahtet kang ai zaibru jang nbung ahpawt ai a majaw mam nmyem gungsi sanit pru nga ai.

NINGPAWT NINGHPANG 41:6 ပူးပေါင်းရင်းမြစ်များ

HOSEA 13:15

“Shi gaw shi a kahpu kanau ni hta mayat maya wa timung, sinpraw nbung du na ra ai; Yehowa a nbung zaibru jang de na bung wa nna, shi a hka hpawk hkyet mat ai hte, shi a hka npun hkraw mat na ra ai: hpyen wa gaw shi a sutdek hta na hpu ai baw arung arai mahkra hpe kashun la na ra ai.

EZEKELA 19:12

Rai timung, dai gaw pawt kahtet ai hte baw kau nna, ga de kadawng kau hkrum sai: sinpraw nbung gaw de a asi hpe jahkraw kau nu ai: de a ngang ai dawhkrawng ni daw mat nna, jahkraw kau ai hte wan hkru mat ai hkrum masai.

EZEKELA 17:10

Gaja wa, yu u, hkai da hkrum sai majaw, kaba wa na rai ni? sinpraw nbung wa yang, yawng nyip mat wa na, n rai ni? dai gaw tu kaba wa ai na lawk hta, nyip mat na ra ai,” nga ai.

NINGPAWT NINGHPANG 41:5

Shi bai yup nna yup mang bai mang wu ai gaw: yu u, mam nhpun langai mi hta nna kaba ai hte ja kat ai mam gungsi sanit si pru wa ai.

NINGPAWT NINGHPANG 41:7

Dai san mat sai n myem gungsi sanit gaw kaba ai hte ja kat ai gungsi sanit hpe mayu kau mu ai: shaloi Hpara-u hprang mat nna, yup mang re ai chye wu ai.

NINGPAWT NINGHPANG 41:23

bai, yu u, de a hpang e nyip nyip re ai hte kaji nna sinpraw nbung e ahpawt kau sai mam gungsi sanit si pru ma ai:

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

YONA 4:8

Bai Karai Kasang gaw, jan pru jang, kahtet ai sinpraw nbung san da nna, ajan gaw Yona a baw hpe hkra ai majaw, shi ma mat ai: dai rai nna shi hkum si na, shi hpyi nga nna, “Hkrung nga na hte, si ai gaw, nye a matu grau kaja nga ai,” nga ai.