NINGPAWT NINGHPANG 26:8 - Jinghpaw Hanson Version Bible

⁸ Ya dai yang e nhtoi tsawmra na sayang, Hpiliste mung na Hkawhkam Abimelek gaw hkuwawt hku na yu dat wu yang yu u, Isak gaw shi a madu jan Rebeka hte makrai nga ai hpe, mu wu ai.

Jinghpaw Common Language Bible 2009

⁸ Ya dai yang e Isak nga ai nhtoi tsawmra mi na jang, Hkawhkam Abimelek gaw hkuwawt hku nna gum yu dat wu yang, Isak hte Rebeka makrai chyai nga ma ai hpe mu wu ai.

NINGPAWT NINGHPANG 26:8 ပူးပေါင်းရင်းမြစ်များ

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

Shawlumon A Mahkawn Ga 2:9

Ngai tsawra ai wa gaw, chyahkyi yan shat krang la hte bung nga ai; Yu u, shi gaw anhte a bunghku shinggan de tsap nga ai: Hkuwawt hku mada yu let, Hkinji hku azi yu nga ai.

GA SHAGAWP 7:6

Kaning rai nme law, nye nta na hkuwawt hku, Hkinji lapran hku ngai asoi yu nga yang,

TARA AGYI 5:28

“Sisera a kanu gaw, hkuwawt hku yu let, ‘Nba grang a kata na shi azi yu nna, Shi a leng hpa rai lau n du wa hkraw a i? Leng dingsen ni hpa majaw lanyan nga sai i?’ nga nna nyaw nga ai.

HPAJI NINGLI 9:9

Jan a npu e Karai Kasang nang hpe jaw da ai kaman lila prat a nhtoi ni hta e, nang tsawra ai madu jan hte rau, na a prat htum hkra ngwipyaw ai hte nga sha nga u: da ndai gaw, nang hkrung nga ai laman e, jan a npu e nang galaw ai amu a kamhtaw rai nga ai.

NINGPAWT NINGHPANG 26:7

Dai yang na masha shi a madu jan a lam san mu ai rai nna, shi gaw, “Ngai jan re ai,” ngu wu ai: kaning rai nme law, Rebeka ahpraw tsawm ai num rai nga ai majaw, ndai yang na ni shi a majaw ngai e n sat kau mi ga nga nna shi myit ai majaw, “Nye madu jan re ai,” n ngu wam wu ai.

NINGPAWT NINGHPANG 26:9

Dai majaw Abimelek gaw Isak hpe shaga la nna, “Yu u, gaja wa shi gaw na a madu jan nan rai nga lit dai; dai re ai mi, shi ngai jan rai nga ai nga nna, hpa rai tsun n ta?” ngu nna daru wu yang, Isak gaw, “Shi a majaw ngai n si n ga, ngu nna rai nngai,” ngu wu ai.