NINGPAWT NINGHPANG 16:4 - Jinghpaw Hanson Version Bible

⁴ Shaloi Abram gaw Hagara kaw shang ai rai nna shi na-um nasin rai nga ai: shi na-um nasin rai sai chye wu jang, shi Sarai hpe n kaw n law di wu ai.

Jinghpaw Common Language Bible 2009

⁴ Abram gaw Hagara hte kanawn ai rai nna, Hagara hta na-um nasin rai nga ai. Shi na-um nasin rai sai lam hpe chye jang, gumrawng gumtawng wa nna Sarai hpe n kaw n law di wu ai.

NINGPAWT NINGHPANG 16:4 ပူးပေါင်းရင်းမြစ်များ

GA SHAGAWP 30:23

N se n shawp ai dinghku num, Madu num a sali dagraw ai mayam num, rai nga ai.

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

2 SAMUELA 6:16

Ya Yehowa a sumpu Dawi mare de shang wa nga yang, Shawlu a kasha Mihkala gaw hkuwawt hku mada yu nna, hkawhkam Dawi Yehowa man e ka let manawt let, wa ai mu wu jang, shi hpe hkyet yu rung wu ai.

NINGPAWT NINGHPANG 16:3

Abram gaw Hkanan mung e nga ai shi ning du sayang she Abram a madu jan Sarai gaw shi a shingnan jan Egutu amyu Hagara hpe, shi madu wa Abram a lashi num shatai na ya wu ai.

NINGPAWT NINGHPANG 16:5

Dai majaw Sarai gaw Abram hpe, “Ngai hkrum ai yubak gaw na ntsa e du u ga; nye a shingnan jan hpe na a lahpyen e ngai jaw sade ai rai nna, ya shi na-um nasin re ai chye jang, ngai hpe n kaw n law di nngai: ngai hte na a lapran e Yehowa jeyang ya mi ga,” ngu wu ai.

NINGPAWT NINGHPANG 19:31

Ya kana mahtang kanau jan hpe tsun wu ai gaw, “An a kawa dingla mat sai; dai hta kaga ga ntsa ting hta, ga ntsa hking hte maren an hpe la na lasha langai mi muk n nga sai;

NINGPAWT NINGHPANG 21:9

Ya Sara gaw, Egutu num Hagara hta Abraham lu ai shadang sha e roi nga ai, mu wu ai.

NINGPAWT NINGHPANG 30:4

Shing rai shi a madu jan tai na shingnan Bila hpe jaw wu ai; Yaku mung shi kaw shang wu ai.