NINGPAWT NINGHPANG 16:3 - Jinghpaw Hanson Version Bible

³ Abram gaw Hkanan mung e nga ai shi ning du sayang she Abram a madu jan Sarai gaw shi a shingnan jan Egutu amyu Hagara hpe, shi madu wa Abram a lashi num shatai na ya wu ai.

Jinghpaw Common Language Bible 2009

³ Dai rai nna shi gaw Hagara hpe Abram a lashi num tai ya na matu jaw ya wu ai. (Ndai lam gaw Abram Hkanan mung e shi ning sa nga sayang she byin wa ai lam rai nga ai.)

NINGPAWT NINGHPANG 16:3 ပူးပေါင်းရင်းမြစ်များ

NINGPAWT NINGHPANG 16:16

Hagara gaw Abram a matu Ishmaela hpe shangai ya ai shaloi Abram a asak gaw matsat shi kru ning du salu ai.

NINGPAWT NINGHPANG 16:4

Shaloi Abram gaw Hagara kaw shang ai rai nna shi na-um nasin rai nga ai: shi na-um nasin rai sai chye wu jang, shi Sarai hpe n kaw n law di wu ai.

NINGPAWT NINGHPANG 16:5

Dai majaw Sarai gaw Abram hpe, “Ngai hkrum ai yubak gaw na ntsa e du u ga; nye a shingnan jan hpe na a lahpyen e ngai jaw sade ai rai nna, ya shi na-um nasin re ai chye jang, ngai hpe n kaw n law di nngai: ngai hte na a lapran e Yehowa jeyang ya mi ga,” ngu wu ai.

NINGPAWT NINGHPANG 21:21

Shi gaw Hparan mali e nga nga ai rai nna, kanu mung Egutu mung na num langai mi la ya wu ai.

NINGPAWT NINGHPANG 25:6

Lashi num ni hta na Abraham lu ai kasha ni hpe mung, Abraham kumhpa karan jaw wu ai rai nna, shi naw hkrung nga yang, shi a kasha Isak kaw na sinpraw ga de shanhte hpe dat dat mu ai.

NINGPAWT NINGHPANG 28:9

shi gaw Ishmaela hpang de sa wa nna, shawng na madu jan yan hta kaga, Abraham shaprat ai Ishmaela a kasha, Nabaiyut a kajan Mahalat hpe sa la wu ai.

NINGPAWT NINGHPANG 30:4

Shing rai shi a madu jan tai na shingnan Bila hpe jaw wu ai; Yaku mung shi kaw shang wu ai.

NINGPAWT NINGHPANG 30:9

Ya Lea gaw shi kashu kasha n shaprat ai shalung mat ai hpe dum wu yang, Yaku a madu jan shatai na shi a shingnan Zilhpa hpe jaw wu ai.

NINGPAWT NINGHPANG 32:22

Shing rai shi a shawng e kumhpa sharap dat nna, shi hkum gaw dai shan e dai dabang na ni hte rau nga nga ai.

NINGPAWT NINGHPANG 35:22

Israela dai yang e nga ai shaloi, Rubin gaw shi kawa a lashi num Bila kaw shang nna shi hte rau yup wu ai: dai lam Israela na wu ai. Ya Yaku a shadang sha ni shi lahkawng rai nga ma ai:

2 SAMUELA 5:13

Ya Dawi, Hebron mare na htawt ai hpang, Yerusalem mare kaw na, lashi num hte numdung bai la jat nna, shayi shadang sha naw shaprat wu ai.

1 HKAWHKAM 11:3

Shi a madu jan ni gaw hkawhkam shayi sha hkrai sanit tsa lu nna, lashi num masum tsa rai lu ai: shi a madu jan ni gaw shi a myit masin hpe shadam kau ya mu ai.

GALATI 4:25

dai Hagara gaw, Arabi mung na Sina bum rai nga ai: shi gaw ya e de nga ai Yerusalem hte bung nga ai; kaning rai nme law, shi gaw shi a kashu kasha ni hte nawng, mayam rai nga ma ai.