NINGPAWT NINGHPANG 1:2 - Jinghpaw Hanson Version Bible

² Ginding aga chyawm gaw akrin ayang re ai hte asan awan rai nga ai; nsin mung sung ai shara e sin up nga ai rai nna, Karai Kasang a Wenyi gaw hka hpung ni a ntsa e ahpum nga ai.

Jinghpaw Common Language Bible 2009

² ginding aga gaw hkrang kata akrin akraw rai nga ai. Yawng mayawng hpe ka-up da ai dai wu kadu ai nammukdara gaw sin mak ai nsin hta rawng nga ai hte Karai Kasang a Wenyi mung hka hpung ni a ntsa e shamu hkawm nga ai.

NINGPAWT NINGHPANG 1:2 ပူးပေါင်းရင်းမြစ်များ

YOBA 26:14

Yu mu, dai gaw shi a lam masun sha, naw rai nga ai; Shi a lam kahte tsun ai sha naw, anhte na lu a hka! Shi daru magam atsam hpe kadai dang chye lu a ta? nga ai.

YOBA 26:7

Dingdung maga hpe asan awan hta shi hpyan da nna, ginding aga hpe hpatwat e, noi da wu ai.

YOBA 38:9

Da a hpun palawng gaw sumwi, de a sanen gaw htat ai nsin, ngai shatai nna,

YOBA 41:32

Shi lai wa ai lam hkang gaw tu ala nga ai rai nna, sung ai shara gaw hpraw mat wa ai zawn rai nga ai.

SHAKAWN KUNGDAWN 104:30

Na a nsoi nsa shapraw dat ai hte nang shanhte hpe hpan da nna, Lamu ga hpe bai gram nu ai.

SHAKAWN KUNGDAWN 104:6

Dai hpe nba hte zawn, hka hte nang magap da nna, Bum ni a ntsa e, hka lim nga ai.

SHAKAWN KUNGDAWN 136:6

Hka a ntsa e, ginding aga hpe nep da ai wa hpe, shakawn mu, Shi a chyeju htani htana agrin nga ai.

SHAKAWN KUNGDAWN 148:7

Baren ni hte, sung htum ai shara ni, Awan, asin, ahkyen hte salu,

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

GA SHAGAWP 8:24

Sung htum ai shara garai n nga, lwi nga ai hka hpawk ni garai n pra yang, shi ngai hpe shaprat ni ai.

ESAIA 31:5

U gaw tinang a tsip sin nga ai hte maren, Zaw nawng zaw wa up ai Yehowa gaw Yerusalem mare hpe makawp maga na ra ai; makawp maga nna, mawai la na ra ai; yubak shalawt dat nna, shagrin da na ra ai.

ESAIA 45:18

Kaning rai nme law, sumsing lamu hpe hpan da ai Yehowa, ginding aga hpe hpajang tawn da ai hte shagrin da nhtawm, shanu nga na matu, akrin akraw n hpan da ai Karai Kasang, ning nga ai: “Ngai gaw Yehowa rai nga nngai; ngai hta kaga kadai n nga ai.

YEREMIA 4:23

Ginding aga hpe ngai mada yu yang, dai gaw akrin ayang hte asan awan rai nga ai; sumsing lamu hpe mada yu yang, nhtoi n nga ai.

NAHUM 2:10

Mare daju gaw hpa n rawng ai, akrin akraw, asan awan rai nga ai: shi a minla byaw mat nna, lahput gari ahkawk ai hte, nshang yawng gawng kya nna, myi man nlang hkrit ai hte chyang mat ma ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

TARA JAHPRANG 32:11

Kalang gaw shi a tsip hprun run nna, N kung u lung ni a ntsa e yan ai zawn, Shi shanhte hpe mapyen singkaw kahpyen nna pawn, Singkaw gunghtu e shalen nna awn wu ai: