NEHEMIA 9:37 - Jinghpaw Hanson Version Bible

³⁷ Anhte yubak majaw, anhte a ntsa e up shangun ai hkawhkam ni mahtang, dai mungdan hta na lahkawn hkanse law law lu la ma ai: anhte a hkumhkrang ntsa e mung, anhte a yamnga ni a ntsa e mung, shanhte ahkang lu nna galaw mayu ai hte maren di ma ai rai nna, anhte gaw ruyak kaba sha nga ga ai.”

Jinghpaw Common Language Bible 2009

³⁷ Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

NEHEMIA 9:37 ပူးပေါင်းရင်းမြစ်များ

EZRA 4:13

Ya dai mare gaw grin wa nna, bunghku ni ngut wa sayang, shanhte gaw lahkawn, hkanse, akang n bang hkraw nna, hkawhkam ni gaw akyu yawm na ra ai hpe, hkawhkam wa dum chye u ga.

EZRA 6:8

Dai hta n-ga, ndai Karai Kasang a nta hpe galaw da ai Yuda agyi salang ni hpe nanhte kaning rai karum lu na lam, ngai naw hkang da made ga: shanhte hkum da ai n hkrum mu ga, Hka sinna hkran lahkawn la ai hkanse ngu ai hkawhkam a arung arai hta na, shanhte hpe n taw n tsang jaw ya mu ga.

EZRA 7:24

Dai hta kaga, hkinjawng ni, Lewi masha ni, mahkawn mangoi ai ni, chyinghka sin ai, Nehtinim masha ni hte Karai Kasang a nta amu galaw ai ni langai mi kaw na pyi, lahkawn, hkanse, akang lahkawn la lu na n rai,” ngu nna ngai hkang dat nngai.

NEHEMIA 5:8

“Maigan masha ni a lata hta yamnga ai, anhte a hpunau Yuda masha ni hpe, anhte dang lu ai hte maren shaw la nhtawm, ya, nanhte gaw, hpunau ni hpe bai dut kau nga myit ni? shanhte gaw hpunau ni kaw yamnga lu na rai ma ni?” ngu nna tsun mu yang, shanhte hpa mung n htan ai, atsin sha nga nga ma ai.

SHARUNG SHAYAWT 5:5

Anhte hpe hkan shachyut ai ni, anhte a du magra nga ma ai; Anhte hki ba hkrum timung, ban sa n lu ga ai.

JAW JAU 26:17

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.

YAWHAN 8:33

Shaloi shanhte gaw, “Anhte Abraham a amyu rai ga ai rai nna, kadai kaw lang mi muk n yam yu ga ai: dai she rai yang, Shalawt dat na myit dai, nga nna nang kaning rai tsun lu n ta?” ngu nna san mu ai.

TARA JAHPRANG 28:33

Na a mungdan a nsi naisi hte nang galaw tawn ai sutgan yawng gaw nang n mu n chye yu ai masha amyu sha kau na mara ai; nang chyawm gaw zingri zingrat hkrum sha ai tut rai na nit dai:

TARA JAHPRANG 28:39

Tsabyi sun hkai sharing tawn timung, shingtai sha kau ai majaw tsabyi si di la lu na n rai tsabyi jahku mung lu lu na n rai.

TARA JAHPRANG 28:48

Yehowa nang hpang de shangun dat ai masha hpyen wa hpe, kawsi hpang kara, singgu krin, matsan tsin-yam hkrum let daw jau lu na ndai: nang hpe jahtum kau lu ai du hkra, dai wa gaw na a du hta hpri kandang jahpai na ra ai.

TARA JAHPRANG 28:51

nang htum mat ai du hkra shanhte gaw na a yamnga, na a nsi naisi sha na mara ai; nang kaw jahten kau lu hkra, nai mam, tsabyi jahku, tsanlun sau, dumsu kasha hte sagu bainam kasha re ai ni hpe, na a matu tawn da ya na n rai.