NEHEMIA 9:36 - Jinghpaw Hanson Version Bible

³⁶ Yu u, dai ni anhte mayam ni hkrai rai nga ga ai; madu sha lu na hte, mai kaja ai nsi naisi sha lu na matu, anhte a ji wa ni hpe nang jaw da ai mungdan hta, anhte mayam ni hkrai rai nga ga ai.

Jinghpaw Common Language Bible 2009

³⁶ Ya chyawm gaw nang anhte hpe jaw da ai lamu ga, anhte hpe lusha jaw ya ai ndai ga sau rawng ai lamu ga hta mayam tai nga saga ai.

NEHEMIA 9:36 ပူးပေါင်းရင်းမြစ်များ

2 HKAWHKAM LABAU 12:8

Rai timung, ngai hpe daw jau na lam hte ga ntsa mungdan ni hpe daw jau na lam chye ginhka lu mu ga, shanhte gaw shi a mayam ni tai na mara ai, nga ai.

EZRA 9:9

Anhte gaw mayam rai nga ga ai: rai timung, anhte a Karai Kasang gaw, mayam amu hta, anhte hpe kau da mi ai n rai: anhte hpe bran shangun na hte, anhte a Karai Kasang a nta hpe galaw lu nna, de a marawng marang ni bai yu lajang na mung, Yuda mung hte Yerusalem mare hta bunghku naw sharawt lu na mung, shi gaw, chyeju myit hte, anhte hpe Persi hkawhkam a man e myi man pa shangun mi ai.

SHARUNG SHAYAWT 5:4

Anhte a ntsin hpe, jahpu jaw yang she lu lu ga ai; Anhte a hpun ni hpe mari ju ra ga ai.

SHARUNG SHAYAWT 5:5

Anhte hpe hkan shachyut ai ni, anhte a du magra nga ma ai; Anhte hki ba hkrum timung, ban sa n lu ga ai.

TARA JAHPRANG 28:48

Yehowa nang hpang de shangun dat ai masha hpyen wa hpe, kawsi hpang kara, singgu krin, matsan tsin-yam hkrum let daw jau lu na ndai: nang hpe jahtum kau lu ai du hkra, dai wa gaw na a du hta hpri kandang jahpai na ra ai.