NEHEMIA 9:32 - Jinghpaw Hanson Version Bible

³² “Dai re ai majaw, anhte a Karai Kasang, ga shaka shatup nna n-gaw nwai myit rawng ai, galu kaba ai, daru magam madun ai hte hkrit mai nga ai, Karai Kasang e, Asuri hkawhkam ni a aprat kaw nna, dai ni du hkra, anhte a ntsa e mung, anhte a hkawhkam ni, du ni, hkinjawng ni, myihtoi ni, ji wa ni hte amyu ting a ntsa e mung, du pru ai tsin-yam tsindam hte gaw, na a man e kaji nga ai zawn, n rai nga u ga.

Jinghpaw Common Language Bible 2009

³² “O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

NEHEMIA 9:32 ပူးပေါင်းရင်းမြစ်များ

1 HKAWHKAM 8:23

“Israela Karai Kasang Yehowa e, sumsing lamu lahta tang e mung, ginding aga lawu tsang e mung, nang zawn re ai Karai Kasang gaw n nga ai law; myit masin mahkra hte na a man e hkawm nga ai ali ama ni hpe nang ga shaka hku hte chyeju myit madun dan nga ndai:

2 HKAWHKAM 15:19

Dai aprat e Asuri hkawhkam Pula gaw Israela mungdan hpe sa gasat wu ai rai nna, Menahem gaw dai mungdan hta grin wa lu hkra, Pula hpe gumhpraw talenta hkying mi sak jaw wu ai.

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

2 HKAWHKAM 17:23

Israela kashu kasha ni gaw Yeroboam a yubak lam mahkra hta hkan hkawm nna, dai lam ni hpe koi kau mu ai n rai. Dai rai nna, Israela amyu gaw tinang a mungdan kaw nna bawng rim mat wa ai hkrum ai hte, dai ni du hkra Asuri mung hta e anga nga ma ai.

2 HKAWHKAM 17:3

Shi hpe gasat na matu Asuri hkawhkam Shalmanese sa du nna, Hoshea gaw shi a shangun ma tai wa ai hte shi hpe hkanse bang da wu ai.

2 HKAWHKAM 17:6

Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa ai hte, shanhte hpe Hala shara e, Gozan hka makau na Habora ginwang hte, Mede masha ni a mare ni hta nga shangun mu ai.

2 HKAWHKAM 23:29

Shi a aprat e, Egutu hkawhkam Hpara-u-niko gaw, Asuri hkawhkam hpe gasat na nga, Uhprat hka du hkra lung wa yang, hkawhkam Yoshia gaw shi hpe hkap hkum na pru sa wa ai: Egutu hkawhkam gaw Megido shara e shi hpe mu nna sat kau wu ai.

2 HKAWHKAM 25:7

Zedekia man e shi a kashu kasha ni hpe sat kau ai hte, shi a myi hpe achyaw baw kau ya nna, hkang hkyihkyang hte gyit nhtawm, Babelon mare de woi wa mu ai.

EZRA 4:10

sa nga shangun ai Dina, Ahprasa, Tarpeli, Ahparsi, Arhkewi, Babelon, Shushan, Deha, Elam masha ni hte, naw nga ai amyu ni gaw, laika ka shagun dat ma ai.

EZRA 4:2

shanhte gaw Zerubabela hte dap lakung ni a agyi ni kaw sa nna, “Anhte mung nanhte hte rau gaw da ga: anhte gaw nanhte hte maren Karai Kasang hpe hkan tam ga ai rai nna, anhte hpe ndai ga de woi wa ai Asuri hkawhkam Esarahadon aprat kaw nna dai Karai Kasang hpe shagu hkungga nawng ya ga ai,” ngu nna tsun mu ai.

EZRA 9:13

Ya rai timung, anhte a n shawp ai amu hte kaba la ai yubak majaw, anhte hkrum sha ai ari hpe yu yang, anhte ram ging ai daram nang anhte hpe ari n jaw ninglen

NEHEMIA 1:5

Shing rai ngai gaw, sumsing lamu na Karai Kasang Yehowa e; nang hpe tsawra nna, na a hkang da ai ga hkan nang ai ni hpe, ga shaka tawn da ai hte n-gaw nwai ai myit madun ai, galu kaba ai hte hkrit mai ai Karai Kasang e:

SHAKAWN KUNGDAWN 47:2

Kaning rai nme law, Yehowa gaw, Tsaw htum ai hte hkrithpa wa rai nga ai: Mungkan ting a hkawhkam kaba mung, shi rai nga ai.

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

SHAKAWN KUNGDAWN 66:5

Wa marit, Karai Kasang a magam amu hpe yu mu; Shinggyim masha ni hpe dan ai amu gaw, hkrithpa amu rai nga ai.

PRU MAT 18:8

Shaloi Mawshe gaw shi a katsa hpe, Yehowa Israela matu Hpara-u hte Egutu masha ni hta galaw ai amu lam nlang hte mung, lam hkan e shanhte hkrum hkra ai lam nlang hte hte Yehowa shanhte hpe kaning di mawai la ai lam hpe mung, hkai dan wu ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

Daniela 9:4

Ngai gaw nye a Karai Kasang Yehowa hpe akyu hpyi nna tawngban let, “Madu e, nang hpe tsawra nna, na a hkang da ai ga hkan shatup ai ni hpe, ga shaka shagrin da nna, n-gaw nwai ai myit madun ai, galu kaba ai hte hkrit mai ai Karai Kasang e,

Daniela 9:6

na a mying gang let, anhte a hkawhkam ni, du ni, ji wa ni hte, mung masha ni mahkra hpe htawn tsun ai, na a shangun ma myihtoi ni a ga hpe mung, anhte n madat kau saga ai.

Daniela 9:8

Madu e, anhte nang hpe yubak galaw ga ai majaw, anhte a hkawhkam ni, du ni, ji wa ni hte myi man sum ai hkrai seng nga ai.

JAW JAU 26:18

Dai hte hkrum sha timung nye a ga n madat ai naw nga myit yang gaw, yubak htam sanit naw kahtap jaw na made ai.

JAW JAU 26:21

Nanhte nye a ga n madat ai, ngai hte nhtan shai myit yang gaw, nanhte a mara hte maren ari zinli htam sanit ngai nanhte a ntsa e dat dat na we ai.

JAW JAU 26:24

ngai mung nanhte hte nhtan jashai nna, nanhte a mara majaw ari htam sanit naw jaw na made ai.

JAW JAU 26:28

ngai nanhte hpe pawt ai hte nhtan shai ai hku galaw nna, nanhte a mara majaw ari htam sanit naw jaw na made ai.

TARA JAHPRANG 7:12

Dai dawdan ai tara ga ni hpe nanhte hkan nang na nga, madat mara ai myit rawng myit yang gaw, na a Karai Kasang Yehowa na nji nwa ni hpe dagam da ai ga shaka hte matsan dum na lam hpe shagrin nga na ra ai:

TARA JAHPRANG 7:13

shing rai shi nang hpe tsawra ai hte shaman ya nna shalaw jahtam na rin dai; nang hpe jaw na nga na nji nwa ni hpe dagam da ai mung hta, nang shaprat ai kashu kasha ni hpe mung, na a lamu ga na nsi naisi ngu na, na a nai mam, tsabyi jahku, sau namman hte, na a sagu dumsu yamnga re ai sut hta mung shaman ya na rai ai.

TARA JAHPRANG 7:21

Nang hta rawng nga ai na a Karai Kasang Yehowa gaw galu kaba ai hte hkrithpa Karai Wa rai nga lit dai majaw, nang shanhte hpe hkrit ra ndai n rai.

TARA JAHPRANG 7:9

Dai rai nna, na a Karai Kasang Yehowa gaw Karai Kasang rai nga ai chye nga u: shi gaw kangka re ai Karai Wa, shi hpe tsawra ai hte shi a hkang da ai ga hkan nang ai ni hpe prat hkying mun du hkra ga shaka shagrin nga nna matsan dum ai myit madun ai Karai Wa;