NEHEMIA 9:30 - Jinghpaw Hanson Version Bible

³⁰ Shing rai, shaning law law wa nang shanhte a lam shakut sharang nna, na a Wenyi shadut ai a jaw e, na a myihtoi ni a n-gup hte shadum jahprang timung, shanhte n madat nga ma ai: dai re ai majaw, dai mung na maigan ni a lata hta, nang shanhte hpe ap kau mu ai.

Jinghpaw Common Language Bible 2009

³⁰ Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

NEHEMIA 9:30 ပူးပေါင်းရင်းမြစ်များ

2 HKAWHKAM 18:11

Shing rai Asuri hkawhkam gaw Israela masha ni hpe Asuri mung de bawng rim wa nna, Hala shara de, Gozan hka makau na Habora ginwang hte, Mede masha ni a mare ni hta nga shangun mu ai:

2 HKAWHKAM 21:10

Dai re ai majaw Yehowa gaw shi a shangun ma myihtoi ni a n-gup hte,

2 HKAWHKAM LABAU 24:19

Rai timung, shanhte gaw Yehowa hpang de kayin wa mu ga, myihtoi ni hpe shi shangun dat nna, shanthe gaw sakse hkam ma timung, shanhte madat ma ai n rai.

EZRA 9:10

Ya chyawm gaw, anhte a Karai Kasang e, anhte hpa naw tsun lu na ga ta? Nang mahtang, Nanhte sa madu lu na mungdan gaw,

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

NEHEMIA 9:29

Na a tara de shanhte kayin wa lu hkra, nang shanhte hpe shadum jahprang timung, shanhte gumrawng ai hku galaw nna, na a hkang da ai ga ni hpe n madat ma ai; asak jahkrung ya chye ai, na a matsun maroi ga ni hpe, shanhte tawt lai ai hte, myit magaw nna du ja nga let, hpa mung n madat ma ai.

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 95:10

Ngai gaw mali shi ning tup ndai amyu hpe n yawt nga nna; “Shanhte gaw tinang a myit hte lam dam mat ai amyu hte, Nye a lam hpe mung n chye ai ni, rai nga ma ai,” nga nna ngai tsun nga nngai.

ESAIA 28:10

Shi chyawm gaw htet da ai ga ntsa e htet da ai ga, htet da ai ga ntsa e htet da ai ga, lam mi a ntsa e lam mi, lam mi a ntsa e lam mi, nang e kaji mi, wonang kaji mi tsun kahtap nga a hka!” Nga nna shanhte tsun ma ai.

ESAIA 42:24

Yaku hpe hpya lu hpya sha na matu, Israela hpe damya ni a lata de kadai ap kau a ta? Anhte shut kau ai Yehowa n rai ni? shanhte gaw shi a lam ni n hkan hkraw ai hte, shi a tara hpe n madat ma ai.

ESAIA 48:9

Rai timung, nang hpe n shamyit kau hkra, ngai gaw nye a amying nsang a marang e, nye a pawt bu ai myit dip kau nna, nye a arawng sadang matu, na a lam naw hkam sharang na nngai.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

YEREMIA 25:4

Yehowa mung jau jau rawt nna, shi a shangun ma myihtoi ni mahkra hpe nanhte hpang de shangun dat timung, nanhte n madat myit dai, na mung n na la myit dai.

YEREMIA 44:22

Ndai nanhte galaw ai n hkru la ai matsat shabat amu ni hpe, Yehowa naw n sharang lu ai majaw, nanhte mungdan gaw dai ni rai nga ai hte maren, masha kata ai, shingran katsi ai, mauhpa shara hte dagam dala shara tai wa sahka.

YEREMIA 44:4

Ngai chyawm gaw, jau jau rawt nna, nye a shangun ma myihtoi ni mahkra hpe nanhte hpang de shangun dat yang, Ngai n dawng n yawt ai, ndai matsat shabat amu ni hpe hkum galaw myit, ngu nna tsun timung,

YEREMIA 44:5

shanhte gaw hpara kaga ni hpe, manam pyaw ai baw nat nawng ai yubak hpe kau da hkra, madat mung n madat, na mung n na la ma ai.

YEREMIA 7:25

Nanhte a nji nwa ni gaw, Egutu mung na pru wa ai shani kaw nna dai ni du hkra, ngai gaw shani shagu jau jau rawt nna, nye a shangun ma myihtoi ni mahkra hpe, nanhte hpang de shangun dat dat rai timung,

SHARUNG SHAYAWT 2:17

Yehowa gaw, shi maw ai hku shabyin nu ai; moi kaw nna shi tsun ai ga hpe shadik nu ai; N lahpawt ai shi agrawp kau nu ai: Shi gaw hpyen wa hpe, na ntsa e kabu shangun nu ai; nang hpe hpyen gasat ai ni a nrung hpe, shatsaw nu ai.

Daniela 9:6

na a mying gang let, anhte a hkawhkam ni, du ni, ji wa ni hte, mung masha ni mahkra hpe htawn tsun ai, na a shangun ma myihtoi ni a ga hpe mung, anhte n madat kau saga ai.

ZEHKARIA 7:12

Gaja wa, jep ai tara a ga hpe mung, moi na myihtoi ni a n-gup hte, Zaw nawng zaw wa up ai Yehowa a Wenyi shangun dat ai mungga hpe mung, n na la lu hkra, shanhte gaw tinang a myit masin hpe, nhpai lung zawn shaja nga ma ai: dai re ai majaw, Zaw nawng zaw wa up ai Yehowa kaw na, sindawng kahtet ai tsin-yam kaba pru nga ai.

ZEHKARIA 7:13

‘Shing rai, ngai shaga yang, shanhte n madat ai zawn, shanhte shaga yang, ngai mung n madat ni ai,’ nga nna Zaw nawng zaw wa up ai Yehowa tsun ai:

BU HKAWM 11:26

Dai hpung hta lawm ai Eldad hte Medad mying ai marai lahkawng gaw, jahpan hta lawm timung Sum de n sa ai sha dap e anga nga ma ai; dai yan hta mung Wenyi yu dung nna, shan gaw dap kata e myihtoi htoi ma ai.

KASA 13:18

Bai, mali shi ning daram, nam mali hkan e shanhte a akyang hpe sharang ya nna,

KASA 28:25

Shing rai shanhte shada myit n hkrum ma ai majaw, Pawlu gaw, shanhte hpe, “Chyoi pra ai Wenyi myihtoi Esaia a n-gup hte nanhte a nji nwa ni hpe tsun ai ga gaw teng la malit dai: dai gaw,

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

ROMA 2:4

Karai Kasang a chyeju gaw myit malai lu hkra nang hpe woi awn wa nit dai hpe n chye n dum let, shi a n taw n tsang ai chyeju mung, myit sharang ai hte myit galu kaba ai hpe mung, nang n kaw n law a di da wu ni?

1 PETRU 1:11

Hkristu gaw nni nkri hkrum na hte dai hpang e hpung shingkang lu la na, nga nna shanhte hta e rawng nga ai Hkristu a Wenyi gaw, shawng e sakse hkam nga ai shaloi, gara aprat hte kaning re ai aten hta me, dai hte byin na ra ai kun, shanhte sawk yu nga ma ai.

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.

2 PETRU 3:9

Nkau mi gaw, Ala nga ai, nga nna myit ma ai hte maren, dai Madu gaw shi a ga ndat hpe shadik na ala nga ai n rai: rai timung, yawng mayawng myit kayin wa nna, kadai rai timung, hten bya ai n hkrum mu ga, shi ra nga ai majaw, shi nanhte hpe myit galu kaba madun nga ai.