NEHEMIA 9:28 - Jinghpaw Hanson Version Bible

²⁸ Rai timung, shanhte gan ga lu ai hpang e, na a man e shut hpyi ai amu bai galaw ma ai; dai re ai majaw, hpyen ni gaw shanhte a ntsa e up nga na matu, nang shanhte hpe hpyen ni a lata de ap kau mu ai; shing di timung, shanhte myit kayin nna nang hpe jahtau shaga yang, nang gaw lamu de nna madat mara ya nna, na a chyeju hte maren law law lang shanhte hpe shaw hkrang la mu ai.

Jinghpaw Common Language Bible 2009

²⁸ Ngwi pyaw sim sa lam bai lu la ai shaloi, shanhte yubak bai galaw ma ai, nang gaw shanhte a gumlau hpyen ni hpe bai awng dang shangun nga ndai. Ti mung shanhte myit malai nna shanhte hpe hkye hkrang la na matu nang kaw hpyi shaga ai shaloi, sumsing lamu hta nang na ya nna, ten mi hte ten mi na a galu kaba ai matsan dum myit hte shanhte hpe hkye mawai la nga ndai.

NEHEMIA 9:28 ပူးပေါင်းရင်းမြစ်များ

1 HKAWHKAM 8:39

nang gaw sumsing lamu e nga ai, na shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna htang ya mu; nang chyu sha shinggyim masha ni a myit masin hpe chye ya nga ndai.

SHAKAWN KUNGDAWN 106:42

Shanhte hpe gumlau ai ni shanhte hpe zingri zingrat nna, Dai ni a lata npu e, shanhte gum nga ma ai.

SHAKAWN KUNGDAWN 136:24

Hpyen ni kaw na shi anhte hpe hkye hkrang la mi ai, Shi a chyeju htani htana agrin nga ai.

ESAIA 63:15

Sumsing lamu de nna gum yu u; na a dan hkung ai hte chyoi pra ai shanu shara nna mada yu u: na a nja nhpra myit hte, daru magam re ai amu ni, kanang rai nga a ta? na a kraw lawang na chyeju myit hte, matsan dum ai myit, nang ngai hte shatsan kau nit dai.

TARA AGYI 2:19

Bai, tara agyi wa si mat ai hpang rai jang, shanhte bai yit nna, kaji kawa ni hta grau n shawp ai hku galaw let, Hpara shaje ni hpang de hkan mat wa nna, dai ni hpe jaw jau ai hte nawku dagup ma ai: tinang a n shawp ai arawn alai hte tinang a myit ja ai lam hpe kau hkraw ma ai n rai.

TARA AGYI 3:30

Shing rai, Israela masha ni Moba masha ni hpe dang kau mu ai. Dai kaw nna matsat shi ning tup mung ting, majan sim mat ai.

TARA AGYI 4:1

Ya, Ehud si mat ai hpang, Israela kashu kasha ni gaw, Yehowa man e n shawp ai amu bai galaw ma ai.

TARA AGYI 5:31

“Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.