NEHEMIA 9:27 - Jinghpaw Hanson Version Bible

²⁷ Dai re ai majaw, shanhte hpe zingri zingrat ai hpyen ni a lata de, nang shanhte hpe ap kau mu ai: shanhte tsin-yam tsindam hkrum ai aten e, nang hpe jahtau shaga ma yang, nang gaw sumsing lamu de nna htan ya mu ai: na a galu kaba ai chyeju hte maren, hpyen ni a lata na shanhte hpe hkye mawai la na nga, hkye la madu ni shanhte hpang de shangun dat mu ai.

Jinghpaw Common Language Bible 2009

²⁷ dai rai nna nang gaw shanhte a gumlau hpyen ni hpe up hkang shangun nga ndai. Shanhte a tsin-yam tsindam a majaw karum la na matu shanhte nang kaw hpyi jahtau ma ai, nang gaw shanhte hpe sumsing lamu kaw na htan ya nga ndai. Na a galu kaba ai matsan dum myit a majaw hpyen ni a lata na hkye mawai la na ningbaw ni hpe nang shangun dat ya ndai.

NEHEMIA 9:27 ပူးပေါင်းရင်းမြစ်များ

2 HKAWHKAM 13:5

Shaloi Yehoaza gaw Yehowa hpe tawngban wu ai rai nna, Yehowa mung shi a ga madat ya wu ai; kaning rai nme law, Suri hkawhkam Israela amyu hpe zingri zingrat nga ai gaw, Yehowa shi nan mu da wu ai.

2 HKAWHKAM 14:27

Dai rai nna Yehowa gaw, “Israela amying hpe lamu ga hta na n shaprai kau mayu ai,” nga nna tsun da ai majaw, Yehoasha a kasha Yeroboam a lata hte shanhte hpe hkye mawai la mu ai.

2 HKAWHKAM 17:20

Yehowa gaw Israela amyu masha ni yawng hte hpe kau da nhtawm, shanhte hpe zingri zingrat nna, shi a myi man kaw na yeng seng kau ai du hkra, hpyen ni a lata hta ap ya kau mu ai.

2 HKAWHKAM 17:39

nanhte a Karai Kasang Yehowa hpe hkrai hkrit hkungga nga mu; shi gaw nanhte hpe hpyen ni yawng a lata na shaw mawai la na ra ai, nga nna ga shaka tawn da timung,

2 HKAWHKAM LABAU 36:17

Dai re ai majaw shi gaw Hkalde a hkawhkam hpe shanhte hpang de shangun dat nna, dai wa gaw, shanhte a chyoi pra ai nta kata e shanhte a shabrang ni hpe sat kau nna, brang ram ni hte mahkawn ni hpe mung, aprat kaba ai hte gumgai dingla ni hpe pyi matsan n dum nga ai: shi gaw yawng mayawng hpe shi a lata hta ap kau mu ai.

NEHEMIA 9:19

na a galu kaba ai chyeju hte, dai nam mali hkan e shanhte hpe kabai kau da mu ai, n rai: shanhte hpe lam madun na matu, shani na sumwi shadaw hte, shana e shanhte hkawm sa wa yang, shanhte sa wa na lam jahtoi ya na matu, shana na nhtoi shadaw mung, hkoi mat ai n rai.

SHAKAWN KUNGDAWN 136:24

Hpyen ni kaw na shi anhte hpe hkye hkrang la mi ai, Shi a chyeju htani htana agrin nga ai.

JAW JAU 26:17

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.

OBEDIA 1:21

Esaw a bum hpe tara dawdan na matu, hkye hkrang la ai madu ni, Ziun bum de lung wa nna, dai mungdan gaw Yehowa a mungdan rai na ra ai.

TARA AGYI 2:18

Yehowa shanhte a matu tara agyi paw pru shangun yang, dai wa hte rau shi nga nga nna, tara agyi wa lakhtak ting hpyen ni a lata na shanhte hpe hkye la wu ai: kaning rai nme law, shanhte sharu shatsang zingri zingrat hkrum sha ai majaw jahtau shaga jang, Yehowa myit kayin ai rai nga ai.