NEHEMIA 9:25 - Jinghpaw Hanson Version Bible

²⁵ Dai rai nna shanhte gaw, bunghku kum ai mare ni, ga sau rawng ai lamu ga, sutgan amyu myu hte hpring ai nta ni, tawk da ai hka htung ni, tsabyi sun ni, tsanlun sun ni hte namsi hpun law law wa lu la ma ai rai nna, shanhte hkru hkru kat kat sha lu ai hte, hpum wa let, na a galu kaba ai chyeju hta sharawng awng nga ma ai.”

Jinghpaw Common Language Bible 2009

²⁵ Na a amyu masha ni gaw bunghku kum ai mare ni, ga sau rawng ai lamu ga, sut gan hpring hkra rawng ai dum nta ni, htu da chyalu hka htung ni, tsanlun hpun ni, namsi hpun ni, hte sabyi sun ni hpe zing la nga ma ai. Shanhte gaw sha mayu ai mahkra sha ai hte hpum wa ma ai; shanhte gaw nang jaw ya ai mai kaja ai arung arai yawng a majaw kabu gara nga ma ai.

NEHEMIA 9:25 ပူးပေါင်းရင်းမြစ်များ

1 HKAWHKAM 14:9

na a shawng na ni mahkra hta nang yubak grau galaw ai hte, ngai hpe pawt bu shangun hkra, Hpara tsasam nang galaw nna, sumla jaw da ai hte ngai hpe shinggan kau ndai majaw,

1 HKAWHKAM 8:66

Matsat ya ngu ai nhtoi hta e shi gaw mung masha ni hpe shabawn dat mu ai; shanhte mung hkawhkam wa hpe shaman ya let, Yehowa gaw shi a shangun ma Dawi hte shi a amyu Israela hpe madun dan ai chyeju yawng a majaw, kabu gara myit hte tinang a sum nta de bai wa shajang ma ai.

NEHEMIA 9:35

Na a chyeju myit kaba a jaw e, nang shanhte hpe jaw da ai mungdan hte, ga sau rawng nna dam lada ai lamu ga hta nga lu timung, shanhte nang hpe n daw n jau ai hte, tinang a n hkru ai amu ni hpe koi kau da ma ai, n rai.

SHAKAWN KUNGDAWN 105:44

Shi a ga madat matsing nga nna, Shi a jep ai tara hkan nang nga mu ga,

SHAKAWN KUNGDAWN 65:11

Nang gaw shaning shanang hpe na a ngamai ai hte jahpring nna, Na a lagaw hkang ni sau lwi nga ma ai.

GA SHAGAWP 30:9

Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

YEREMIA 2:7

Ngamu ngamai ai mung a nsi naisi hte, sau hpum ai hpe sha na matu, ngai nanhte hpe woi jashawn nna, nanhte shang myit yang nanhte gaw nye a mungdan hpe awu asin di kau nna, nye a sali wunli ga hpe matsat shabat ga shatai kau manu ai.

YEREMIA 31:14

Hkinjawng ni hpe mung hpum sau ai shan hte ngai jaw jahkru na nngai; nye a amyu masha ni gaw, nye a chyeju hte hkru kat na mara ai, nga nna Yehowa tsun ai.

EZEKELA 20:6

shanhte hpe Egutu mung na shapraw la nhtawm, mungdan ni mahkra hta grau kaja nna, shanhte a matu ngai san da ai, nga chyu hte lagat jahku lwi ai mung de woi jashawn na lam, ngai shanhte hpe dagam da nngai:

Daniela 11:24

Ginwan gale ai aten e shi gaw dai mungdaw a ga sau htum ai shara ni hta du nna, shi a kawa mung, shi a kaji kawa ni mung, n galaw yu ai lam, shi galaw na ra ai: shi gaw hkan nang ai ni hpe lanep, arung arai hte sutgan karan ayai na ra ai: gaja wa shi gaw, hpyen majan baw na lam, tawng marang mi hpaji daw na ra ai.

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

ROMA 2:4

Karai Kasang a chyeju gaw myit malai lu hkra nang hpe woi awn wa nit dai hpe n chye n dum let, shi a n taw n tsang ai chyeju mung, myit sharang ai hte myit galu kaba ai hpe mung, nang n kaw n law a di da wu ni?

TARA JAHPRANG 3:5

Dai mare ni yawng gaw bunghku tsaw ai hte chyinghka hkik nna htinggrang brep brep rai kum ai hkrai rai nga ai; dai hta kaga bunghku n kum ai kahtawng law law mung naw lawm nga ai.

TARA JAHPRANG 32:13

Ga ntsa tsaw grau ai shara hta shi hpe shajawn, Yi hkauna nsi naisi hte shi hpe shangawn wu ai: Machyu lunghtawn na lagat jahku, Nhpai lungkring na namman chyu mu shachyu wu ai.

TARA JAHPRANG 32:14

Dumsu hta na htawbat hte sagu bainam hta na madoi chyu shat, Sagu kasha a sau tung, Bashan sagu la hte bainam sau dung, Kaja htum ai hkaulan mam lung, jaw sha wu ai: Tsabyi jahku mung, tsabyi si sai hta na nang lu ndai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.