NEHEMIA 9:24 - Jinghpaw Hanson Version Bible

²⁴ Shing rai kashu kasha ni gaw dai mungdan hpe sa shang madu nga lu nna, de a amyu ni hte shanhte a hkawhkam ni hpe, di mayu ai hte maren di mu ga, mung madu ni ngu ai Hkanan masha ni hpe shanhte a man e dip kau nna, shanhte a lata de ap kau mu ai.

Jinghpaw Common Language Bible 2009

²⁴ Shanhte gaw Hkanan mung hpe madu la nna; dai yang e nga nga ai masha ni hpe dang kau nga ndai. Nang gaw na a amyu masha ni hpe masha amyu hte Hkanan masha amyu hpe shanhte ra sharawng ai hku galaw lu na daru magam na a amyu masha ni hpe jaw ya nga ndai.

NEHEMIA 9:24 ပူးပေါင်းရင်းမြစ်များ

1 HKAWHKAM LABAU 22:18

Nanhte a Karai Kasang Yehowa gaw, nanhte hte rau rai nga ai n rai ni? shi nanhte hpe shara shagu hta ban sa shangun nga ai, n rai ni? shi gaw ndai mung na masha ni hpe nye a lata hta ap ya nna, dai mungdan gaw Yehowa a man e mung, shi a amyu masha ni a man e mung, taw nga ma ai.

ESHTA 9:5

Yuda masha ni gaw shanhte e hpyen ai ni hpe nhtu hte sat shagrawm shamyit kau nna, shanhte e n dawng n yawt ai ni hpe di mayu ai hte maren di mu ai.

BU HKAWM 14:31

Masha hpyen ni a lanep sha tai na masai, nga nna nanhte tsun ai ma chyangai ni hpe ngai woi shawn nna, nanhte yen kau da ai mung hpe shanhte chye na mara ai.

2 TIMOHTI 2:26

nat a myit hku hkan na, shi a dawnggawng hta rim la hkrum ai ni, bai dum hprang wa dam ma nhten law.

YAWSHU 10:40

Shing rai Yawshu gaw dai bum ga hte Dingda ga, pa ga hte kadit ga mahkra hte de a hkawhkam ni hpe hpya sat kau mu ai: langi mi hpe mung jahkrung da wu ai n rai; Israela Karai Kasang Yehowa hkang da ai hte maren, hkrung mahkrung hpe atsai awai shamyit kau wu ai.

YAWSHU 11:23

Yehowa Mawshe hpe tsun da ai hte maren Yawshu gaw dai mung ting kabye la nna, Israela masha ni a amyu lakung langai hte langai hpe Sali ga karan ya wu ai. Dai mungdan mung majan sim mat ai.

YAWSHU 12:12

Eglon hkawhkam; Gezera hkawhkam;

YAWSHU 12:24

Tirza hkawhkam rai nga ma ai: nlang hte gaw hkawhkam sumshi langai rai nga ma ai.

YAWSHU 18:1

Ya Israela kashu kasha shawa hpung ting gaw, Shilo mare e zuphpawng nna, dai yang e dai shawa sum sharawt mu ai: mung ting gaw shanhte a man e grit mat ma ai.

YAWSHU 21:43

Shing rai, Ngai jaw na, nga nna Yehowa shanhte a kaji kawa ni hpe shaka da ai mungdan yawng mayawng, Israela kashu kasha ni hpe jaw nu ai rai nna, shanhte madu la lu ai hte dai hta nga nga masai.

YAWSHU 21:45

Yehowa Israela masha ni hpe tsun da ai chyeju lam langai mi muk yawm ai n rai: yawng mayawng byin tup wa sai.

TARA AGYI 4:23

Shing rai Karai Kasang gaw Hkanan hkawhkam Yabin hpe Israela kashu kasha ni a man e, dai shani e shagrit kau wu ai rai nna;