NEHEMIA 9:17 - Jinghpaw Hanson Version Bible

¹⁷ shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

Jinghpaw Common Language Bible 2009

¹⁷ Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

NEHEMIA 9:17 ပူးပေါင်းရင်းမြစ်များ

1 HKAWHKAM 6:13

Ngai gaw Israela kashu kasha ni hte rau nga nga nna, nye a amyu Israela hpe n kau da na nngai,” ngu nna tsun wu ai.

1 HKAWHKAM 8:57

Anhte a Karai Kasang Yehowa gaw ji wa ni hte rau nga nga ai hte maren, anhte hte rau mung nga nga u ga; anhte shi hta shamyet shanat nga lu nna,

2 HKAWHKAM LABAU 36:13

Karai Kasang a amying gang let shi hpe dagam shangun ai hkawhkam Nebuhkadneza hpe mung shi gumlau nna, Israela Karai Kasang Yehowa hpang de myit n kayin u ga, shi a du hpe mung, myit masin hpe mung, shaja da wu ai.

EZRA 9:9

Anhte gaw mayam rai nga ga ai: rai timung, anhte a Karai Kasang gaw, mayam amu hta, anhte hpe kau da mi ai n rai: anhte hpe bran shangun na hte, anhte a Karai Kasang a nta hpe galaw lu nna, de a marawng marang ni bai yu lajang na mung, Yuda mung hte Yerusalem mare hta bunghku naw sharawt lu na mung, shi gaw, chyeju myit hte, anhte hpe Persi hkawhkam a man e myi man pa shangun mi ai.

NEHEMIA 9:31

Rai timung, nang gaw chyeju hte matsan dum myit rawng ai Karai Kasang rai nga ndai majaw, na a galu kaba ai chyeju hte maren, nang shanhte hpe atsai awai n shamyit kau ai hte, shanhte hpe kau da mu ai n rai.”

SHAKAWN KUNGDAWN 106:13

Gade n na yang shanhte gaw shi a amu hpe malap kau ya mu ai, Shi hpaji daw ai lam hpe, n myit yu ma ai.

SHAKAWN KUNGDAWN 106:7

Egutu mung na anhte a ji woi ni, Na a mauhpa bungli hpe, mung n yu nna, Na a kaba la ai chyeju hpe, n dum ma ai rai nna, Dai hkyeng ai Nawng makau e pyi gumlau nga ma ai.

SHAKAWN KUNGDAWN 130:4

Rai timung, nang hpe hkrit hkungga nga mu ga, Nang gaw mara hpe raw dat kau ya ndai.

SHAKAWN KUNGDAWN 78:10

Karai Kasang a ga shaka hpe shanhte n dum nna, Shi a tara hpe hkan nang na ndang nga ma ai.

SHAKAWN KUNGDAWN 78:11

Shanhte gaw shi a magam amu hte, Shanhte hpe madun dan ai mauhpa bungli hpe, malap mali kau mu ai.

SHAKAWN KUNGDAWN 78:38

Shi chyawm gaw, matsan dum nga nna, N jahten kau ai sha, mara magap ya mu ai: Shi a masin pawt ai law law lang shakawp kau nna, Shi a myit kahtet ai nlang n sharawt wu ai.

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

PRU MAT 32:9

Dai hta kaga Yehowa gaw Mawshe hpe, “Ndai amyu hpe ngai yu yu mase ai, du ja ai baw rai nga ma ai:

GA SHAGAWP 1:24

Ngai shaga yang, nanhte n dang kau ai hte, Ngai lata ladawn yang kadai mung n matsing nga ai sha,

YEREMIA 18:15

Nye a amyu masha ni mahtang, ngai hpe malap kau ma ai; hpa n re ai hpara ni a man e manam pyaw ai baw nat nawng ma ai: moi kaw nna hkan ai nmaw lam hta shanhte kataw wa nna, n lajang yu ai lam masun ni hta yit mat ma ai:

YEREMIA 7:26

nanhte gaw nye a ga n madat, na mung n na la ai sha, tinang a du hpe shaja ai hte, nji nwa ni hta grau nna n hkru nga myit dai.

EZEKELA 5:6

Shi chyawm gaw, maigan amyu ni hta, grau shut hpyit nna, ngai dawdan ai ga hpe gumlau ai hte, nye a matsun maroi ga hpe, grup yin na mungdan ni hta, grau nna lale kau nga ai: mare masha ni gaw, nye a dawdan ai ga hpe nyet kau nna, nye a matsun maroi ga hpe n hkan hkraw ma ai.

Daniela 9:9

Matsan dum ai hte yubak raw dat kau ai lam, anhte a Madu Karai Kasang hte seng nga ai: anhte mahtang shi hpe gumlau saga ai.

YOELA 2:13

nanhte a hpun palawng n rai, myit masin hpe gang je kau nna, nanhte a Karai Kasang Yehowa hpang de bai wa marit: shi gaw matsan dum ai hte chyeju jaw ai myit, galu kaba ai hte n gaw nwai ai myit, rawng nna, ari jaw na lam myit malai nga ai.

JAW JAU 26:44

Rai timung, shanhte hte majan ai ni a ga e nga nga yang, matu htum hkra shanhte hpe jahtum kau nna, shanhte hte ngai tawn da ai ga shaka run kau ai kaw du hkra wa shanhte hpe ngai kau rap di na n rai; dai hte wa shanhte hpe matsat kau na n rai: kaning rai nme law, shanhte a Karai Kasang Yehowa gaw ngai rai nga nngai.

NAHUM 1:3

Yehowa gaw myit galu kaba nna, n-gun atsam ja nga ai: shi gaw mara kap ai wa hpe shalawt dat na n rai: Yehowa gaw bungsha hte laru marang hta yu wa nna, sumwi ni gaw shi a lagaw npu na ga nhpu rai nga ai.

BU HKAWM 14:11

Shaloi Yehowa Mawshe hpe, “Ndai amyu gaw gaten du hkra ngai hpe n gawn n sawn rai nga na ma ta? shanhte hta ngai madun ai lamik kumla ni hpe mu lu ninglen gaten du hkra ngai hpe naw n kam na ma ta?

BU HKAWM 14:41

Mawshe chyawm gaw, “Yehowa aga hpa rai tawt nga myit ta? nanhte galaw ai hku byin lu na n rai.

BU HKAWM 16:14

Dai hta n-ga, nga chyu hte lagat jahku lwi ai mung de nang anhte hpe n woi wa; yi hkauna tsabyi sun sali mung n jaw re ai: ndai masha ni a myi baw kau ya mayu nni? an n lung na ga ai,” ngu nna htan dat mu ai.

KASA 7:39

anhte a ji wa ni chyawm gaw shi a ga n madat mayu nna, shi hpe ndang kau let, Egutu mung hpe bai marit ai hte,

ROMA 9:15

Kaning rai nme law, Ngai chyeju galaw mayu ai wa hpe chyeju galaw na we ai; ngai matsan dum mayu ai wa hpe matsan dum na we ai, nga nna Mawshe hpe tsun dan nu ai.

HEBRE 12:25

Nanhte gaw dai mungga tsun dat ai wa hpe n ningdang kau myit ga, sadi nga mu; kaning rai nme law, ga ntsa na shadum jahprang ai wa hpe ndang kau ai ni yubak n lawt lu ma ai teng yang gaw, sumsing lamu de na shadum jahprang ai wa hpe nawng kau ai ni anhte gaw, dai hta grau nna n lawt lu na ga ai:

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.