NEHEMIA 9:15 - Jinghpaw Hanson Version Bible

¹⁵ shanhte kawsi yang, lamu ntsa na muk, hpang kara yang, lunghkrung na ntsin, nang shapraw jaw nna, shanhte hpe jaw na nga, nang dagam da ai mung hpe, shang madu lu na, nang shanhte hpe hkang da mu ai.”

Jinghpaw Common Language Bible 2009

¹⁵ “Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

NEHEMIA 9:15 ပူးပေါင်းရင်းမြစ်များ

NINGPAWT NINGHPANG 14:22

Shaloi Abram gaw Sodom hkawhkam wa hpe, “Abram hpe ngai sut jasu se ai, nga nna nang tsun shara n nga u ga,

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

SHAKAWN KUNGDAWN 114:8

Shi gaw lunghkrung hpe hka lawng, Nhpai lung hpe, hka hpaw shara shatai wu ai.

PRU MAT 16:4

Dai rai nna Yehowa gaw Mawshe hpe, “Yu mu, ngai nanhte a matu lamu de na muk jahtu ya na made ai; shaloi shanhte shani shagu sa nna lani mi na matu ram tup ram tup hta la na rai ma ai: shin rai nye a tara hpe shanhte hkan nang ma ai kun, n hkan nang ma ai kun, ngai chyam yu na mawe ai.

PRU MAT 17:3

Dai kaw e amyu masha ni hpang kara nna, Mawshe hpe aput let tsun ma ai gaw, “Anhte hte anhte a kashu kasha ni hpe mung, anhte a yamnga ni hpe mung hpang kara ai hte sat kau na rai yang gaw, hpa majaw Egutu mung na anhte hpe woi wa n ta?” ngu mu ai.

PRU MAT 17:6

Yu u, Horeb bum na lunghkrung ntsa hta na a man e ngai tsap nga na ring ngai; nlung dai hpe nang kayat na wu ai rai nna, amyu masha ni lu na matu, dai nta na ntsin lwi pru na ra ai,” ngu nna tsun wu ai. Mawshe mung Israela a agyi salang ni a man e shing di galaw wu ai.

PRU MAT 6:8

Abraham, Isak, Yaku hte hpe jaw na ngu nna dagam da ai mung de ngai nanhte hpe woi wa nna, sali wunli matu jaw na made ai: ngai Yehowa rai nga nngai,” ngu wu ai.

ESAIA 48:21

Shi shanhte hpe akrin daleng hku woi wa yang, shanhte hpang kara hkrum ma ai n rai: shi shanhte a matu lunghkrung hta na ntsin lwi shangun wu ai: shi gaw lunghkrung hpe pyi shaga nna hka lwi nga ai.

EZEKELA 20:15

Dai hta n-ga, mungdan ni mahkra hta grau kaja nna, ngai shanhte hpe jaw da sai, nga chyu hte lagat jahku lwi ai mung de, n woi wa na matu, nam mali e ngai shanhte hpe dagam ni ai:

BU HKAWM 14:30

Nanhte hpe ngai madu shangun na ngu nna ngai dagam da ai mung de, Yehpuna kasha Hkaleb hte Nun a kasha Yawshu hta kaga kadai mung gaja wa du lu na n rai.

TARA JAHPRANG 1:21

Yu u, na a Karai Kasang Yehowa gaw na a man e dai mungdan tawn ya nit dai: lung wa su, na nji nwa ni a Karai Kasang Yehowa nang hpe tsun dat ai hte maren, wa madu la nu; hkum hkrit et, myit mung hkum mang et,’ ngu made ai.

TARA JAHPRANG 1:8

Yu mu, dai mungdan nanhte a man e ngai tawn ya se ai; nanhte a kaji kawa Abraham, Isak, Yaku hte hte, shanhte a hpang na matu mara ni hpe jaw na, nga nna Yehowa dagam da ai mung de shang nna madu la ma su,’ nga nna tsun ma ni ai.

TARA JAHPRANG 8:3

Shi nang hpe shagrit nna kawsi jahkrum ai hte, shinggyim masha gaw muk hte sha hkrung nga lu ai n rai, Karai Kasang a n-gup na pru mapru hte hkrung nga lu ai gaw nang chye lu hkra nga, nang mung n mu yu, na nji nwa ni mung n mu yu ai manna hte nang hpe bau nit dai.