NEHEMIA 8:9 - Jinghpaw Hanson Version Bible

⁹ Mung masha ni gaw dai tara laika ga na jang, hkrap ngu hkrap ngoi nga ma ai rai nna, munggyi Nehemia, hkinjawng chyare wa Ezra hte, mung masha ni hpe sharin achyin nga ai Lewi masha ni gaw, “Dai ni nan, nanhte a Karai Kasang Yehowa a matu chyoi pra ai shani rai nga ai: myit hkum yawn, hkrap mung hkum hkrap myit,” ngu nna mung masha ni mahkra hpe tsun mu ai.

Jinghpaw Common Language Bible 2009

⁹ Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

NEHEMIA 8:9 ပူးပေါင်းရင်းမြစ်များ

2 HKAWHKAM 22:11

Ya hkawhkam wa gaw dai tara laika a mungga na ngut jang, shi a hpun palawng gang je kau wu ai.

2 HKAWHKAM 22:19

ndai shara hte dai hta e nga ai masha ni gaw, katsi katsang shara hte dagam dala hkrum ai amyu tai na mara ai, nga nna ngai tsun ai ga hpe nang na ai shaloi, nang myit kya nna, Yehowa a man e myit shagrit nga ai hte, na a hpun palawng hpe gang je kau nna, nye a man e hkrap ngu hkrap ngoi nga ndai majaw, ngai Yehowa nan na a ga hpe madat mara ya sade ai.

2 HKAWHKAM LABAU 15:3

Ya nhtoi na na wa Israela amyu hta tengman ai Karai Kasang n nga ai:

2 HKAWHKAM LABAU 30:22

Bai Hezekia gaw, Yehowa a daw jau ai amu hta chye chyang ai myit rawng ai Lewi masha ni hpe ngwipyaw ai ga tsun mu ai. Shing rai shanhte gaw sanit ya yup poi de nna lu lusha sha rai let, kaji kawa ni a Karai Kasang Yehowa hpe mahku hkungga nawng ya ai hte hpyi nem mu ai.

2 HKAWHKAM LABAU 34:19

Ya hkawhkam wa gaw dai tara laika a mungga na ngut jang, shi a hpun palawng gang je kau wu ai.

2 HKAWHKAM LABAU 34:21

Ndai mu hkrup ai laika a mungga a lam, nye a matu mung, Israela hte Yuda mung hta naw ngam nga ai ni a matu mung, Yehowa hpe sa san yu mu: kaning rai nme law, ndai laika hta ka da mada hte maren, anhte a ji wa ni Yehowa ga n hkan nga ai majaw, Yehowa a pawt sindawng ai gaw anhte a ntsa e ru bun nga ai, ngu dat mu ai.

2 HKAWHKAM LABAU 35:3

Israela amyu masha ni hpe sharin achyin ya ai hte, Yehowa matu chyoi pra nga ai Lewi masha ni hpe shaga nna, “Israela hkawhkam Dawi a kasha Shawlumon galaw da ai nta ka ta de Chyoi pra ai Sumpu hpe tawn da mu: ya kaw nna nanhte a lahpa hta lit mara sa na n rai: nanhte a Karai Kasang Yehowa hte, shi a amyu Israela hpe daw jau nga mu.

EZRA 2:63

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw shanhte hpe hkang da mu ai.

EZRA 7:11

Da ndai gaw hkawhkam Artahkere, Yehowa hkang da ai ga hte, Israela masha ni hpe shi a matsun maroi ga sharin ya ai, chyare wa rai nga ai, hkinjawng Ezra hpe jaw dat ai laika rai nga ai:

NEHEMIA 10:1

Ya dazik shakap ai ni gaw, Hahkalia kasha munggyi Nehemia hte hkinjawng ni hta na, Zedekia,

NEHEMIA 12:26

Shanhte gaw Yozadak a kashu Yeshua kasha Yoiakim a aprat e mung, munggyi Nehemia aprat e mung, hkinjawng chyare wa Ezra aprat e mung, nga nga ma ai.

NEHEMIA 7:65

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw, shanhte hpe hkang da mu ai.

NEHEMIA 7:70

Ya, kaji kawa ni a dap lakung ni a agyi ni nkau mi gaw, dai amu bungli a matu alu jaw ma ai. Munggyi wa gaw, ja den-ga hkying mi, angdung manga shi, hkinjawng labu palawng manga tsa sumshi hpe, sutdek hta bang da wu ai.

NEHEMIA 8:2

Dai rai nna hkinjawng Ezra gaw, shata sanit a shawng shani e, chye na lu ai shawa hpawng numsha lasha mahkra a man e, dai tara laika hpe la shapraw nhtawm,

HPAJI NINGLI 3:4

hkrap ngu hkrap ngoi ai aten hte, mani ai aten mung nga ai; sharung shayawt ai aten hte, ka manawt na aten mung nga ai;

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

JAW JAU 23:24

Israela kashu kasha ni hpe ning ngu tsun mu: Shata sanit hta langai ya ngu na shani gaw, nanhte a matu simsa nga na nhtoi hte, dum hprang let kabu gara nga na chyoi pra ai zuphpawng nhtoi rai malit dai.

MALAHKI 2:13

Bai nanhte galaw ai lam, ndai rai nga ai: nanhte gaw Yehowa a tawn hkungri hpe myi prwi, hkrap ngu hkrap ngoi nna, madai ai hte ka-up manu ai: dai majaw shi gaw dai kumhpa hpe n nawn nna, nanhte a lata na kabu gara ai myit hte, n hkap la wu ai.

ROMA 3:20

kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 7:9

Ngai chyawm gaw tara hta n nga ai wa, lang mi e pra nga nngai: rai timung dai ga matsun pru wa yang, yubak prawn wa ai, ngai mahtang si wa nngai;

TARA JAHPRANG 12:12

Dai shaloi e nanhte ni mung, nanhte a mayam num mayam la ni mung, kumhtaw n htu nna Sali ga n lu ai, nanhte kaw shingbyi nga ai Lewi masha mung, nanhte a Karai Kasang Yehowa man e kabu gara nga na rai myit dai.

TARA JAHPRANG 12:7

dai yang e mung nanhte a Karai Kasang Yehowa man e nanhte lu sha nga nna, nanhte a galaw ai lam magup hta nanhte a Karai Kasang Yehowa shaman ya myit dai majaw, nang hkum hte na a nta masha ni nlang kabu gara nga na rai myit dai.

TARA JAHPRANG 16:11

shaloi nang hte na a shayi shadang sha, na a mayam num mayam la, na a mare na Lewi wa, nang kaw shingbyi nga ai tsasam manam wa hte nang kaw nga ai jahkrai nmai, gaida gaina ni yawng, Yehowa shi a amying nsang tawn da na matu san da ai shara hta na a Karai Kasang Yehowa man e sa kabu gara nga na rai myit dai.

TARA JAHPRANG 26:14

Si hkrung bungli rawng yang dai hta na ngai n lang; n san n seng nga yang dai hpe ngai n hkra; si mang shakru ai hta dai hpe ngai n lang shalawm nngai: nye a Karai Kasang Yehowa a ga ngai madat ni ai: nang hkang da mada hte maren ngai hkan nang nngai.

YAKU 4:9

Nji nmu, sharung shayawt ai hte, hkrap ngu hkrap ngoi rai nga mu; nanhte a mani ai gaw sharung shayawt ai hte, nanhte a kabu gara ai gaw yawn du krung ai hte galai mat u ga.