NEHEMIA 8:6 - Jinghpaw Hanson Version Bible

⁶ ya Ezra gaw galu kaba re ai Karai Kasang Yehowa hpe shakawn kungdawn wu ai. Mung masha ni nlang hte gaw, tinang a lata sharawt let, “Amen, Amen,” nga ma ai rai nna, ga du hkra gum dagup let, Yehowa hpe nawku nga ma ai.

Jinghpaw Common Language Bible 2009

⁶ Ezra gaw, “Dai Madu galu kaba ai Karai Kasang hpe shakawn kungdawn mu!,” ngu nna tsun wu ai. Amyu masha ni yawng mung ntsa de lata sharawt nhtawm, “Amen! Amen!,” ngu nna htan ma ai. Shanhte gaw ga de du hkra gum dagup let hput di nawku ma ai.

NEHEMIA 8:6 ပူးပေါင်းရင်းမြစ်များ

NINGPAWT NINGHPANG 14:22

Shaloi Abram gaw Sodom hkawhkam wa hpe, “Abram hpe ngai sut jasu se ai, nga nna nang tsun shara n nga u ga,

NINGPAWT NINGHPANG 24:26

Shaloi dai wa gaw gum dagup nna Yehowa hpe nawku let,

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

1 HKAWHKAM LABAU 29:10

Dai re ai majaw, Dawi gaw shawa hpawng ting a man e Yehowa hpe shakawn kungdawn let, “Anhte a Wa, Karai Kasang Yehowa e, nang gaw htani htana prat dingsa, a nga n ga law.

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

2 HKAWHKAM LABAU 20:18

Shaloi Yehosahpat gaw ga de gum dagup nna, Yuda masha ni yawng hte Yerusalem na mare masha ni mung, Yehowa man e gum dagup let Yehowa hpe nawku ma ai.

2 HKAWHKAM LABAU 29:10

Ya Israela Karai Kasang Yehowa a pawt bu ai gaw, anhte kaw na lai mat wa u ga, shi hte ga shaka tawn da na, ngai maw nga nngai.

2 HKAWHKAM LABAU 29:30

Dai hta kaga, Dawi hte myihtoi Asap jahtuk da ai mahkawn ga hte Yehowa hpe shakawn kungdawn na nga, hkawhkam Hezekia hte du salang ni gaw, Lewi masha ni hpe hkang da mu ai. Shanhte gaw kabu gara myit hte mahkawn mangoi let, gum dagup nna nawku nga ma ai.

2 HKAWHKAM LABAU 6:4

Bai shi gaw, Nye amyu Israela hpe Egutu mung na shapraw ai shani kaw nna, Israela amyu ni a mare langai mi hta, nye a amying shanu nga na matu nta galaw na mung, nye a amyu Israela ntsa e du tai na wa hpe mung, ngai n lata la ai sha,

NEHEMIA 5:13

Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.

NEHEMIA 8:7

Dai hta kaga, Yeshua, Bani, Sherebia, Yamin, Akub, Shabehtai, Hodia, Masia, Kalita, Azaria, Yozabad, Hanan, Pelaia hte hte Lewi masha ni gaw, dai tara laika a ga lachyum, mung masha ni hpe shapraw dan mu ai: mung masha ni gaw tinang a shara e nga nga ma ai.

SHAKAWN KUNGDAWN 134:2

Dai chyoi pra ai nta du hkra lata ladawn nna, Yehowa hpe sha-a mu.

SHAKAWN KUNGDAWN 141:2

Ngai akyu hpyi ai ga, na a man e, manam pyaw ai baw zawn, Ngai lata ladawn ai gaw, shana na hkungga zawn, rai nga u ga.

SHAKAWN KUNGDAWN 28:2

Na a chyoi pra ai gawk de nye a lata ladawn let, Nang hpe hpyi jahtau ai shaloi jang, Nye a akyu hpyi ai nsen madat mara ya e.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 63:4

Naw hkrung nga yang, ngai nang hpe sha-a na nngai, Na a amying hte nye a lata hpe ngai sharawt na nngai.

SHAKAWN KUNGDAWN 95:3

Kaning rai nme law, Yehowa gaw Karai Wa kaba hte, Hpara ni mahkra a ntsa e, Hkawhkam kaba, rai nga ai.

PRU MAT 12:27

Nanhte gaw, Yehowa Egutu masha ni hpe ari jaw ai shaloi, anhte a nta ni hpe shalawt yang na, Egutu mung e Israela kashu kasha ni a nta ni hpe lai kau da ai, Yehowa a shalai dat ai hkungga rai nga ai, ngu nna shanhte hpe tsun dan lu na rai myit dai,” ngu wu ai: shing nga tsun ngut jang amyu masha ni gaw baw dagup nna nawku nga ma ai.

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

YEREMIA 28:6

myihtoi Yeremia gaw, Amen, Yehowa dai lam galaw u ga; Yehowa nta na arai ni hte hpawn, Babelon mare e bawng dung ai ni nlang hte hpe ndai shara e bai woi wa nna, nang htoi ya ai myihtoi ga, Yehowa shadik u ga.

SHARUNG SHAYAWT 3:41

Sumsing lamu e nga ai Karai Wa hpang de, myit masin hte lata sharawt ga.

JAW JAU 9:24

Yehowa kaw na wan pru nna tawn hkungri na wan nat hkungga hte sau man ni hpe hkru kau wu ai: shing rai byin wa ai hpe amyu masha ni mu jang, shanhte jahtau garu nna dingnyawm dagup nga ma ai.

MAHTE 26:39

Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

1 KORINHTU 14:16

Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

EHPESU 1:3

Anhte a Madu Yesu Hkristu a Kawa rai nga ai Karai Kasang gaw, a nga u ga law: shi gaw sumsing lamu lahta tang hta e, Wenyi hte seng ai shaman ya ai lam amyu myu hte, Hkristu hta e anhte hpe shaman ya mi ai:

1 TIMOHTI 2:8

Dai re ai majaw, masin pawt ai n lawm nna, ndang kalang n re ai hte, lasha ni gaw chyoi pra ai lata sharawt let, shara shagu hkan e akyu hpyi nga na hpe, ngai ra nga nngai.

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

SHINGRAN 7:11

Bai, dai tingnyang hte salang ni hte dusat amyu mali a grup yin e, lamu kasa ni nlang hte gaw kawan tsap nga ma ai; shaloi shanhte dai tingnyang nhpang e myi man dagup nna, Karai Kasang hpe nawku let,