NEHEMIA 8:18 - Jinghpaw Hanson Version Bible

¹⁸ Dai hta kaga, shi gaw, shawng shani kaw nna, lani hte lani, poi wai ai shani du hkra, Karai Kasang a tara laika hpe hti nga ai; shanhte gaw dai poi hpe sanit ya tup galaw ma ai: matsat ya ngu na hta, tara hte maren, chyoi pra ai poi galaw ma ai.

Jinghpaw Common Language Bible 2009

¹⁸ Shanhte gaw poi hpang ai shani kaw nna hpang jahtum shani du hkra, Karai Kasang a Tara daw daw chyen chyen hpe shani shagu hti ma ai. Shanhte gaw sanit ya tup poi galaw ma ai, matsat ya shani gaw Tara nga ai hte maren hpungdim poi galaw ma ai.

NEHEMIA 8:18 ပူးပေါင်းရင်းမြစ်များ

NEHEMIA 8:2

Dai rai nna hkinjawng Ezra gaw, shata sanit a shawng shani e, chye na lu ai shawa hpawng numsha lasha mahkra a man e, dai tara laika hpe la shapraw nhtawm,

NEHEMIA 8:3

Jahpawt jau jau e kaw nna, jan pungding du hkra, hka chyinghka ndaw na dam lada ai shara e tsap let, chye na lu ai numsha lasha ni a man e hti dan ai hte, mung masha ni yawng dai tara laika ga hpe madat mara nga ma ai.

JAW JAU 23:36

Sanit ya tup Yehowa hpe wan nat kumhpa nawng jau na rai myit dai: matsat ya ngu na shani mung, chyoi pra ai zuphpawng hpawng nna, Yehowa hpe wan hte wan nat hkungga jau na rai myit dai: dai gaw jahtum zuphpawng rai nga ai: makan amu hpa mung galaw lu na myit dai n rai.

JAW JAU 23:41

Dai poi hpe shaning shagu sanit ya ya Yehowa a matu galaw na rai myit dai: dai gaw nanhte a shu mashi shu masha prat dingsa hkan nga na matsun maroi rai nga malit dai: shata sanit hta hkrai galaw lu na rai myit dai.

BU HKAWM 29:35

Matsat ya du ai shani hta chyoi pra ai zuphpawng hpawng na rai myit dai; amu bungli galaw lu na n rai;

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.