NEHEMIA 8:15 - Jinghpaw Hanson Version Bible

¹⁵ tsanlun hpun lakung lakying, nam na tsanlun hpun, murtu hpun hte namhtan hpun lakung, lahkawn la na nga, bum de lung wa ma su, nga nna Yehowa Mawshe hpe hkang da ai ga hpe shanhte mu hkrup mu ai.

Jinghpaw Common Language Bible 2009

¹⁵ Dai rai nna shanhte gaw ndai sharin shaga lam ni jaw ya let Yerusalem mare hte kaga mare kahtawng ni yawng de shanhte hpe shangun dat ma ai: “Tara laika hta ka da sai sharin achyin ga matsun ni hte maren, sum ni galaw na matu kawng ni de pru sa nhtawm marau, tsanlun, maihting, namhtan hte kaga hpun ni hta na lakung lakying ni hpe la wa mi.”

NEHEMIA 8:15 ပူးပေါင်းရင်းမြစ်များ

NINGPAWT NINGHPANG 8:11

dai hkrudu gaw shana e shi kaw bai wa ai rai nna, yu u, shi a n-gup hta tsanlun lap katsing di makrang da wu ai: dai rai nna ga ntsa e hka tang wa sai gaw, Noa chye wu ai.

JAW JAU 23:4

Da ndai gaw, aten ladaw du jang, nanhte shaga da na chyoi pra ai zuphpawng ngu ai, Yehowa a poi ni rai nga ai.

JAW JAU 23:40

Nnan shani e tsawm ai hpun hta na namsi si ai lakung lakying, namhtan hpun, lap wum htat ai hpun, hka numri hpun re ai ni a lakung lakying nanhte dan lang nna, nanhte a Karai Kasang Yehowa man e sanit ya tup kabu gara nga na rai myit dai.

ZEHKARIA 1:8

Ngai gaw shana e shingran mu nna, yu u, gumra ahkyeng jawn ai wa langai mi hpe ngai mu nngai; dai wa gaw murtu maling na shingnip htat ai shara e hkring nga nna, shi a hpang e hkyeng ai, mut ai hte hpraw ai gumra tsap nga ma ai.

MAHTE 21:1

Ya, shanhte gaw Yerusalem de ni wa nna, Tsanlun bum hta htawng ai Bethpage kahtawng de du ma yang Yesu gaw sape lahkawng shangun dat nna,

YAWHAN 12:13

shanhte gaw namhtan hpun lakung ni daw lang nna shi hpe sa tau la let, “Hawsanna: Dai Madu a amying hte du sa ai wa ngu ai, Israela a hkawhkam gaw, a nga u ga law,” nga nna garu ma ai.

TARA JAHPRANG 16:16

Laning mi hta masum lang ngu na, azuma poi, bat sanit poi, sum poi re ai aten ni hta, nanhte hta na lasha ni nlang hte gaw, na a Karai Kasang Yehowa san da ai shara, shi a man e myi man madun lu na rai myit dai: dai shaloi e kadai mung Yehowa man de kaman dawng pru lu na n rai:

SHINGRAN 7:9

Dai hpang, yu u, masha mungdan shagu hta na mung, baw lakung shagu hta na mung, amyu baw shagu hta na mung, kadai ndang hti lu ai wunawng wuwa kaba ngai mu nngai; dai ni gaw hpraw ai hpan palawng bu hpun nna, tinang a lata hta namhtan hpun lakung lang let, dai tingnyang a man e mung, Sagu Kasha a man e mung tsap nga nna,