NEHEMIA 8:12 - Jinghpaw Hanson Version Bible

¹² Mung masha ni gaw, hkaw tsun dan ai ga hpe chye na mu ai majaw, lu na sha na matu mung, kaga ni hpe gam jaw na matu mung, grai ngwipyaw nga na matu mung, sa wa ma ai.

Jinghpaw Common Language Bible 2009

¹² Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

NEHEMIA 8:12 ပူးပေါင်းရင်းမြစ်များ

1 HKAWHKAM LABAU 29:22

dai shani e kabu gara ai myit kaba hte, Yehowa a man e lu lu sha sha rai nga ma ai. Dai hta kaga shanhte gaw Dawi a kasha Shawlumon hpe lahkawng lang ngu na hta hkawhkam aya dang ya nna, Yehowa a lawu e du tai na matu, shi hpe namman chya ya mu ai; Zadok hpe mung hkinjawng aya dang da mu ai.

NEHEMIA 8:10

Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

NEHEMIA 8:11

Shing rai Lewi masha ni mung, “ndai shani gaw chyoi pra ai shani rai nga ai majaw, atsin sha nga mu; myit hkum kaji myit,” ngu nna mung masha ni mahkra hpe jasim mu ai.

NEHEMIA 8:13

Ni ni shani hta e, mung masha ni yawng hta na, dap lakung ni a agyi ni hte rau, hkinjawng ni hte Lewi masha ni gaw, tara hpe madat mara nga na matu, chyare wa Ezra hpang de sa zuphpawng nga ma ai.

ESHTA 9:22

Mordehkai gaw ndai lam ni hpe ka da nna, hkawhkam Ahasuru a ni ai tsan ai mungdaw ni mahkra hta nga ai, Yuda masha ni yawng hpang de, laika shagun dat wu ai.

YOBA 23:12

Shi n-gup na htet da ai ga, ngai n lai kau nngai; ngai ra ai lam hta, shi tsun ai ga hpe ngai grau sharawng nngai;

SHAKAWN KUNGDAWN 119:111

Na a sakse ga nye a myit hpe shapyaw ya ai majaw, Dai gaw prat dingsa nye a sali wunli rai nga ai.

SHAKAWN KUNGDAWN 119:127

Dai majaw aja hte jet ai aja hta grau nna, Na a htet da ai ga hpe ngai tsaw nga nngai.

SHAKAWN KUNGDAWN 119:130

Na a mungga hpe hpaw dan yang, nhtoi htoi wa nna, Myit n su ai ni hpe, kunghpan wa shangun mu ai.

SHAKAWN KUNGDAWN 119:14

Sutgan lu la ai hta grau nna, Na a sakse ga hta, ngai kabu nga nngai.

SHAKAWN KUNGDAWN 119:16

Na a ga madat hta e, ngai awng nga nna, Na a mungga hpe n malap kau na nngai.

SHAKAWN KUNGDAWN 119:171

Nang gaw na a ga madat ngai hpe sharin nga yang, Nye a n-gup shakawn kungdawn ga shapraw na ra ai.

SHAKAWN KUNGDAWN 119:174

Yehowa e, na a hkye hkrang la ai lam hpe ngai marit nga nna, Na a tara gaw ngai kabu shara rai nga ai.

SHAKAWN KUNGDAWN 119:72

Na n-gup hta na pru ai tara gaw, nye a matu Aja gumhpraw hkying mi hta grau kaja nga ai.

SHAKAWN KUNGDAWN 119:97

Na a tara hpe ngai kade wa tsaw nga n hka! Ngai shani tup dai hpe myit aru nga nngai.

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

LUKA 24:32

Dai rai nna shan gaw, Lam e anhte ga tsun nna, Chyum laika ni a ga lachyum tsun hpaw dan mi ai shaloi, an a myit masin gadau gadap nga mali ai, n rai ni?” nga nna shada da tsun ma ai.

ROMA 7:18

Kaning rai nme law, nye a kraw e, rai sa, nye a shinggyim hkum shan myit hta, kaja ai baw n rawng li ai, ngai chye nga nngai: galaw mayu ai myit ngai hta a rawng nga timung, mai kaja ai hku galaw na ngai n mu lu we ai.

SHINGRAN 11:10

Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.