NEHEMIA 7:73 - Jinghpaw Hanson Version Bible

⁷³ Shing rai, hkinjawng ni, Lewi masha ni, chyinghka sin ai ni, mahkawn mangoi chye ai ni, mung masha nkau mi, Nehtinim masha ni hte Israela amyu ting, tinang a mare ni hta nga nga ma ai. Ya shata sanit du ma yang, Israela kashu kasha ni gaw, tinang a mare ni hta de nga ma ai.

Jinghpaw Common Language Bible 2009

⁷³ Hkinjawng ni, Lewi masha ni, Nawku Htingnu sin ai ni, mahkawn chye mahkawn ai ni, yu maya masha law law hte Nawku Htingnu amu galaw masha ni ngu na Israela amyu masha ni yawng Yuda mung na mare kahtawng ni hkan nga nga ma ai.

NEHEMIA 7:73 ပူးပေါင်းရင်းမြစ်များ

2 HKAWHKAM 7:10

Shing rai shanhte gaw mare chyinghka sin ai ni hpe sa shaga nna, “Anhte gaw Suri masha ni a hpyen dap de du saga ai, rai timung, masha langai mi muk n nga ai, masha a nsen mung n na ga ai, gumra ni hte lawze ni sha dun nga ma la ai rai nna, sum ni mung myi na ta rai nga ma ai,” ngu nna shanhte hpe tsun shana mu ai.

1 HKAWHKAM LABAU 9:2

Shanhte a mare ni hte madu lu ai lamu ga hta shawng nga ai ni gaw, Israela masha ni, hkinjawng ni, Lewi masha ni hte Nehtinim ni rai nga ma ai.

EZRA 2:70

Shing rai hkinjawng ni, Lewi masha ni, mung masha ni nkau mi, mahkawn mangoi chye ai ni, chyinghka sin ai ni hte Nehtinim masha ni gaw, tinang a mare ni hta mung, Israela masha ni yawng, tinang a mare ni hta mung, nga nga ma ai.

EZRA 3:1

Ya shata sanit du nna, Israela kashu kasha ni gaw, tinang a mare ni hta nga ma yang, shanhte gaw lang lata sha Yerusalem mare de zuphpawng ma ai.

NEHEMIA 11:3

Da ndai gaw, Yerusalem mare hta de nga ai mungdaw du ni rai nga ma ai: Yuda mare ni hta chyawm gaw, Israela masha ni, hkinjawng ni, Lewi masha ni, Nehtinim masha ni hte Shawlumon a mayam ni a kashu kasha ni gaw, langai hte langai tinang a lamu ga dachyawk hta de nga ma ai.

NEHEMIA 7:72

Naw ngam nga ai masha ni mung, ja den-ga mun lahkawng, gumhpraw joi hkying lahkawng, hkinjawng hpun palawng kru shi sanit bang da ma ai.