NEHEMIA 7:5 - Jinghpaw Hanson Version Bible

⁵ Bai, ahtik labau gawn na matu, agyi salang ni, du ni hte mung masha ni hpe hpawng shangun na lam, nye a Karai Kasang gaw nye a myit hpe shadut ya nga ai. Shawng lung wa ai ni a ahtik labau laika ngai mu nna, dai hta ning nga ka da nga ai:

Jinghpaw Common Language Bible 2009

⁵ Karai Kasang gaw ngai hpe amyu masha ni hte shanhte a ningbaw ni hte du salang ni hpe jahpawng da na matu mung, shanhte a dinghku labau ni gawn na matu mung, bawng dung ai kaw nna shawng nhtang wa ai ni a labau ka matsing da na matu mung, ngai hpe wenyi n-gun shadut ya nga ai. Da ndai gaw ngai mu tam da sai shiga rai nga ai:

NEHEMIA 7:5 ပူးပေါင်းရင်းမြစ်များ

EZRA 2:62

Shanhte gaw tinang a ahtik labau jahpan laika tam timung, n mu ma ai; dai re ai majaw shanhte hpe n san n seng ngu mu ai rai nna, hkinjawng amu n galaw lu ma ai.

EZRA 7:27

Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law.

NEHEMIA 5:19

Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

NEHEMIA 6:14

Nye a Karai Kasang, dai zawn maw ai Tobia yan Sanbalat hpe mung, Nodia mying ai num myihtoi hte ngai hpe jahkrit mayu ai myihtoi kaga ni hpe mung, dum mu law.

NEHEMIA 7:4

Dai mare chyawm gaw kaba ai hte dam lada nga timung, mare masha ni n law nna, nta ni hpe garai n galaw da lu ai.

NEHEMIA 7:64

Shanhte gaw tinang a ahtik labau jahpan laika tam timung n mu ma ai: dai re ai majaw shanhte hpe n san n seng ngu mu ai rai nna, hkinjawng amu n galaw lu ma ai.

GA SHAGAWP 2:6

Kaning rai nme law, Yehowa gaw hpaji byeng-ya jaw nga ai: Shi a n-gup na, chye chyang ai hte zai byeng-ya pru nga ai.

GA SHAGAWP 3:6

Lam shagu hta shi hpe adum nga u, Shing rai yang, shi na a lam shading na ra ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

2 KORINHTU 3:5

Rai timung, anhte gaw tinang atsam machyu nna me, anhte nan hpa hpaji daw lu ga ai n rai; anhte a ging ram ai atsam gaw Karai Kasang kaw nna rai nga ai;

2 KORINHTU 8:16

Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

KOLOSE 1:29

Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.

YAKU 1:16

Nye a tsawra ai hpunau ni e, myit hkum dam myit.