NEHEMIA 6:6 - Jinghpaw Hanson Version Bible

⁶ Dai laika hta rawng ai ga gaw, nang hte Yuda masha ni gaw gumlau na maw myit dai da, grup yin na amyu ni hta kajai nga ma ai; Gashem mung dai lam tsun nga ai: dai lam majaw nang bunghku kum nna, kajai nga ai hte maren, nang shanhte a hkawhkam tai na maw ndai.

Jinghpaw Common Language Bible 2009

⁶ Dai hta ning nga nna rawng nga ai: “Nang hte Yuda amyu masha ni gumlau rawt na maw mawn nga myit dai majaw nang bunghku bai gaw gap nga ndai nga nna grup yin na masha amyu ni ashi langai pru ai lam Geshem ngai hpe tsun dan nga ai. Shi gaw nang hkum nan hkawhkam tai na maw mawn ai hte,

NEHEMIA 6:6 ပူးပေါင်းရင်းမြစ်များ

EZRA 4:12

Hkawhkam wa gaw ndai lam chye u ga: nang kaw na pru ai Yuda masha ni gaw anhte kaw Yerusalem e du masai; shanhte gaw gumlau ai hte n shawp ai Yerusalem mare hpe de let, npawt nhpang ni lajang tawn da nna, mare bunghku ni hpe shangut wa masai.

EZRA 4:15

Ji wa ni a jahpan laika hpe sawk yu yang, ndai mare gaw gumlau chye ai hte hkawhkam ni hte mungdan ni a akyu hpe jahten chye ai mare; moi shawng e shanhte gaw gumlau lau nna, dai mare gaw shaza kau hkrum yu ai lam nang chye lu hkra, anhte ndai lam nang hkawhkam hpe ka dat ga ai.

NEHEMIA 2:19

Ya, Horoni masha Sanbalat, mayam rai nga ai Ammon masha Tobia hte Arabi masha Geshem hte gaw dai lam na jang, shanhte asawng asang mani let anhte hpe roi nna, “Nanhte galaw ai lam hpa rai ta? Hkawhkam wa hpe gumlau na myit ni?” ngu nna tsun mi ai.

NEHEMIA 6:13

Ngai hkrit wa nna, shan tsun ai hte maren galaw nna, ngai hta yubak kap wa ai majaw, masha ni ngai hpe mara shagun let, asawng asang ai lu hkra, shan gaw dai myihtoi wa hpe grau mu ai.

NEHEMIA 6:5

Manga lang ngu na hta, Sanbalat gaw shi a mayam wa ngai hpang de shangun dat nna, shi gaw dazik n kap ai laika gun nga ai:

NEHEMIA 6:7

Dai rai nna, Yuda mung hta hkawhkam rai nga ai, nga nna na a lam Yerusalem mare hta hkaw dan na matu, nang myihtoi san da ndai: ya dai lam hte maren hkawhkam wa hpe shana ya na majaw, yu wa rit, anhte rau bawng yu ga, nga nna ka da nga ai.

YEREMIA 20:10

Masha ni a shatan nhkan ai hpe ngai na lu nngai; shoihpa shoirang shara magup rai nga ai: nye a makyin jinghku ni pyi, Mara shagun mu, anhte shi hpe mara shagun na ga ai; anhte shi hpe lau lu nna, dang kau lu na nhten; shi hpe matai dawp lu nhten, nga nna ngai hpe gyam yu ai ni tsun ma ai.

MAHTE 5:11

Nye a lam majaw, masha ni gaw nanhte hpe asawng asang di nna zingri zingrat nga ma ai hte, masu ai hku hkan let mara amyu myu shagun da myit dai shaloi e, nanhte a lu myit dai:

LUKA 23:2

“Ndai wa gaw anhte a amyu hpe lam woi shadam ai hte, Kehta hkawhkam hpang de hkansi bang na lam hkum da nna, shi hkum dai Hkristu ngu ai hkawhkam rai nga ai, nga nna tsun nga ai hpe, anhte mu ga ai,” ngu nna shi hpe mara jun mu ai.

YAWHAN 19:13

Pilat gaw dai ga na jang, Yesu hpe woi shapraw nhtawm, Hebre ga hte Gabahta ngu ai Nlung nep ai shara e tara tingnyang hta dung nga ai.

ROMA 3:8

Mai kaja ai pru u ga n kaja ai galaw ga, nga nna nkau mi anhte hpe shatan nhkan let deng ma ai hte maren, galaw mai na n rai ni? shing nga ai ni mahtang gaw dawdan ging ma ai.

2 KORINHTU 6:8

hpung shingkang hkrum ai rai timung, n kaw n law hkrum ai rai timung, shatan nhkan hkrum ai rai timung, shagrau ai hkrum ai rai timung:

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.