NEHEMIA 6:2 - Jinghpaw Hanson Version Bible

² Sanbalat yan Geshem gaw ngai hpang de kasa shangun dat nna, “Yu wa rit, Ono kadit na mare langai mi hta hkrum ga,” nga nna ngai hpe n hkru ai hku maw ma ai.

Jinghpaw Common Language Bible 2009

² Dai rai nna Sanbalat hte Geshem yan gaw ngai hpang de shiga shana dat nna, shanhte hte ngai Ono pa layang na kahtawng langai ngai hta hkrum hkat na lam hpaji jaw dat ma ai. Dai gaw ngai hpe machyi shangun na matu maw mawn shakut ai shanhte a maw lanyet langai mi rai nga ai.

NEHEMIA 6:2 ပူးပေါင်းရင်းမြစ်များ

2 SAMUELA 20:9

Shaloi Yoab gaw Amasa hpe, Hpu e, kaja nga n ni? nga nna shachyen let, pup na matu, hkra lata hte Amasa amun hpe jum wu ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

1 HKAWHKAM LABAU 8:12

Elpala a shadang sha ni gaw, Ebera, Misham, Sheme hte rai ma ai; Sheme gaw Ono hte Loda mare hte de a mare ni hpe de da wu ai;

NEHEMIA 11:35

Loda hte hpaji chye galaw ai ni a One kadit hta de nga ma ai.

NEHEMIA 3:22

Shi a hpang e layang ga na hkinjawng ni lajang nga ma ai.

NEHEMIA 6:3

Ngai mahtang, “Ngai gaw amu kaba galaw nga ai majaw, n yu wa lu nngai; nan hpang de yu wa nna, dai amu hpe hpa majaw jahkam da na rai ta?” ngu nna shan hpang de kasa nhtang shangun dat we ai.

SHAKAWN KUNGDAWN 12:2

Langai hte langai tinang a htingbu wa hte masu ga tsun ma ai; Bawk ai nten hte, myit lahkawng hte shanhte tsun ma ai.

SHAKAWN KUNGDAWN 37:12

Tara n lang ai wa, dingman ai wa hpe n kaja ai hku maw nna, shi a wa utik da nga wu ai.

SHAKAWN KUNGDAWN 37:32

Tara n lang ai wa gaw dinghpring ai wa hpe gyam yu nna, Shi hpe sat kau na tam nga ai.

HPAJI NINGLI 4:4

Bai ngai gaw, masha ni shada da manawn masham hkat ai hpaji byeng-ya amu hte maka kumla amyu myu hpe, sumru yu nngai: dai mung, kaman lila hte, nbung hpe shachyut ai hkrai rai nga ai.

YEREMIA 41:2

Shaloi Nehtania kasha Ishmaela gaw, dai marai shi hte rau rawt nna, Babelon hkawhkam a ahkang hte munggyi tai nga ai Shahpan a kashu Ahikam a kasha Gedalia hpe nhtu hte kahtam sat kau mu ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.