NEHEMIA 6:14 - Jinghpaw Hanson Version Bible

¹⁴ Nye a Karai Kasang, dai zawn maw ai Tobia yan Sanbalat hpe mung, Nodia mying ai num myihtoi hte ngai hpe jahkrit mayu ai myihtoi kaga ni hpe mung, dum mu law.

Jinghpaw Common Language Bible 2009

¹⁴ Ngai gaw, “Karai Kasang e, Tobia hte Sanbalat yan hpa galaw kau masai hpe dum let shan hpe ari jaw u. Ngai hpe jahkrit mayu nga ai Nodia numsha hte kaga myihtoi ni yawng hpe mung adum nga u law,” ngu nna hpyi we ai.

NEHEMIA 6:14 ပူးပေါင်းရင်းမြစ်များ

NEHEMIA 13:29

Nye a Karai Kasang e, shanhte gaw, hkinjawng aya hpe mung, hkinjawng hte Lewi masha ni a ga shaka hpe mung, awu asin di kau ma ai majaw, shanhte hpe mada yu u law.

NEHEMIA 5:19

Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

SHAKAWN KUNGDAWN 137:7

Yehowa e, Yerusalem a nhtoi hta e, “Run kau mu, npawt du hkra run kau mu,” nga nna tsun ai Edom a kashu kasha ni hpe, dum nga u.

SHAKAWN KUNGDAWN 22:1

Nye a Karai Wa e, nye a Karai Wa e, nang hpa rai ngai hpe kau da nga n ta? Ngai hpyi jahtau ai ga gaw, ngai hpe karum na wa hte tsan nga ai.

SHAKAWN KUNGDAWN 63:1

Karai Kasang e, nye a Karai Wa nang rai nga ndai, Jahpawt jau jau e, ngai nang hpe tam na nngai. Hka n rawng ai hkraw ai hte krin ai prang hta e, Nye a myit masin nang hpe shagroi gara nga nna, Nye a hkum shan nang hpe marit nga ai.

PRU MAT 15:20

Shaloi, Arun a kana, myihtoi num Miriam gaw shi a lata hta chying lang nna, numsha ni mahkra mung chying dum ai hte ka let shi a hpang e hkan nang ma ai.

YEREMIA 14:15

Dai re ai majaw, Ndai mung hta nhtu hte kawsi hpang gara shang lu na n rai, nga nna ngai n shangun tim, nye amying gang nna htoi ai myihtoi ni a lam Yehowa ning nga ai: Dai myihtoi ni gaw nhtu tsin-yam kawsi hpang gara hte htum mat na mara ai.

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

YEREMIA 28:1

Dai shaning ngu ai, Yuda hkawhkam Zedekia hkaw dung hpang ai, mali ning, shata manga hta e, Gibeon masha Azura kasha myihtoi Hanania gaw, Israela Karai Kasang, Zaw nawng zaw wa up ai Yehowa ning nga ai, Ngai gaw Babelon hkawhkam a kandang hpe agrawp kau ni ai.

YEREMIA 28:10

Shaloi myihtoi Hanania gaw, myihtoi Yeremia du na kandang hpe la nna, gang kaw kau let, Yehowa ning nga ai, Dai hte maren ngai gaw, amyu baw ni mahkra a du hta, Babelon hkawhkam Nebuhkadneza mara da ai kandang hpe, ni ning laman hta ngai gang daw kau na we ai, nga nna mung masha ni mahkra a man e tsun ai. Shaloi myihtoi Yeremia pru mat wa ai.

YEREMIA 28:15

Bai myihtoi Yeremia gaw myihtoi Hanania hpe, Hanania e, ya madat u; Yehowa nang hpe shangun ai n rai; nang gaw dai amyu hpe masu ai hta shamyet shanat shangun ndai.

MAHTE 24:11

Masu ai myihtoi law law mung paw pru nna, law law hpe lam shadam na mu ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai: