NEHEMIA 6:11 - Jinghpaw Hanson Version Bible

¹¹ Ngai mahtang, “Ngai zawn re ai wa hprawng na rai kun? Ngai hte bung ai wa, asak lawt na matu, nawku Htingnu de shang na, kadai wa rai ta? Ngai n shang na nngai,” ngu nna htan wu ai.

Jinghpaw Common Language Bible 2009

¹¹ Ngai gaw, “Ngai gaw dai zawn hprawng makoi ai baw masha n rai nngai. Nye a asak hpe Nawku Htingnu kata hta makoi let hkye mawai la shakut na zawn nang myit nawn da wu ni? Ngai gaw dai zawn n galaw na nngai,” ngu nna htan wu ai.

NEHEMIA 6:11 ပူးပေါင်းရင်းမြစ်များ

NEHEMIA 6:12

Karai Kasang shi hpe shangun dat ai n rai, Tobia yan Sanbalat shi hpe grau ai majaw, shi ngai hpe ning nga htoi ya ai lam, ngai dum chye we ai.

NEHEMIA 6:3

Ngai mahtang, “Ngai gaw amu kaba galaw nga ai majaw, n yu wa lu nngai; nan hpang de yu wa nna, dai amu hpe hpa majaw jahkam da na rai ta?” ngu nna shan hpang de kasa nhtang shangun dat we ai.

NEHEMIA 6:9

Kaning rai nme law, “Shanhte n-gun yawm nna, dai amu hpe n shangut lu mu ga,” nga nna, shanhte nlang anhte hpe jahkrit na maw ma ai. Rai timung, “Nye a lata hpe n-gun shaja ya e law.”

SHAKAWN KUNGDAWN 112:6

Shi gaw prat dingsa e shamu shamawt hkrum na n rai; Dinghpring ai wa hpe galoi mung adum nga na maru ai.

SHAKAWN KUNGDAWN 112:8

Shi a myit ngang kang nga ai rai nna, Shi hpe gumlau ai ni yubak hkrum nga ai mu lu ai du hkra, shi n hkrit nga ai.

GA SHAGAWP 28:1

Tara n lang ai wa gaw, shachyut ai wa n nga timung, hprawng nga ai; Dinghpring ai ni chyawm gaw, hkanghkyi zawn nden ja nga ai.

HPAJI NINGLI 10:1

Jinu chyasi manam pyaw ai sau hpe hkying shangun nga ai zawn, angawk ai amu kaji, hpaji byeng-ya hte arawng sadang hpe shayuk kau nga ai.

ESAIA 10:18

Yehowa gaw shi arawng lu ai maling hpe mung, nsi naisi tu ai hkauna hpe mung, aru hte nawng, jahtum kau ai majaw, machyi hkrum ai wa zawn shi n-gun yawm mat na ra ai.

BU HKAWM 3:10

Arun hte shi a shadang sha ni hpe nang aya dang tawn nna, shanhte gaw tinang a hkinjawng amu sin nga na rai ma ai: dai de htep sa ai amyu kaga masha gaw sat kau ai hkrum lu na wu ai,” ngu wu ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 8:1

Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

HPILIPI 2:30

Kaning rai nme law, nanhte ngai hpe daw jau ai lam hta naw ngam nga ai hpe shatup shatsup lu na matu, shi a asak hpe pyi shi shanaw kau nna, dai Madu a magam bungli majaw, si ai ganoi noi hkrum nga ai.

HEBRE 11:27

Kamsham ai hte, Egutu hkawhkam a masin pawt ai hpe n hkrit ai sha, dai mung na pru kau da wu ai, kaning rai nme law, myi hte n mu lu ai wa hpe mu lu ai hpe zawn, shakut sharang nga ai.

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.