NEHEMIA 5:8 - Jinghpaw Hanson Version Bible

⁸ “Maigan masha ni a lata hta yamnga ai, anhte a hpunau Yuda masha ni hpe, anhte dang lu ai hte maren shaw la nhtawm, ya, nanhte gaw, hpunau ni hpe bai dut kau nga myit ni? shanhte gaw hpunau ni kaw yamnga lu na rai ma ni?” ngu nna tsun mu yang, shanhte hpa mung n htan ai, atsin sha nga nga ma ai.

Jinghpaw Common Language Bible 2009

⁸ “Maigan masha ni a lata de dut kau hkrum ai anhte a Yuda kahpu kanau ni hpe anhte dang lu ai made mari shaw la la rai ga ai. Ya chyawm gaw anhte mahtang nanhte a hpu nau majing ni hpe shanhte a hpu nau Yuda ni hpe nanhte a lata de dut kau dat ya na shadut shagyeng nga myit dai!,” ngu nna tsun we ai. Ningbaw ni atsin sha nga nga ma ai rai nna, tsun na hpa mung n mu tam lu ma ai.

NEHEMIA 5:8 ပူးပေါင်းရင်းမြစ်များ

NEHEMIA 5:9

Bai ngai gaw, “Nanhte galaw ai lam n mai nga ai: anhte hpe hpyen ai maigan masha ni a man e, anhte a Karai Kasang hpe hkrit hkungga ai myit hte, mai hkawm nga ai, n rai ni?

YOBA 29:10

Du salang ni atsin sha nga nna, shanhte a shinglet gumra hta kap nga malu ai.

YOBA 32:15

Shanhte mau mat nna, hpa mung n chye htan mat ma ai; shanhte naw chye tsun ai ga hkaw mi muk n nga ai.

PRU MAT 21:16

Masha hpe lagu ai wa gaw, dut kau sai rai timung, shi a lata e naw nga ai rai timung, teng teng sat kau ai hkrum u ga.

MAHTE 22:12

Dai rai nna shi gaw, “Jinghku wa e, hkungran ai hpun palawng n bu hpun ai mi, nang kaning rai nang e shang lu n ta?” ngu wu ai: shi chyawm gaw atsin sha rai nga ai.

MAHTE 25:15

Langai mi hpe gumhpraw joi manga, langai mi hpe lahkawng, langai mi hpe joi mi di nna, langai hte langai hpe tinang a atsam hte maren ap ya da nhtawm e, hkawm sa mat wa ai.

MAHTE 25:29

lu ai wa kadai hpe mung, naw jaw nna shi law htam wa na ra ai: n lu ai wa kaw na chyawm gaw, shi lu malu hpe pyi naw shaw la na ru ai.

ROMA 14:15

Kaning rai nme law, lusha shahpa majaw na a nhpu nnau a myit n pyaw nga a yang gaw, nang tsawra ai lam hta naw hkawm nga ndai n rai. Hkristu gaw shi a matu mara si hkam ya nu ai majaw, na a lusha shahpa e shi hpe hkum jahten et.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

1 KORINHTU 8:11

Shing rai, na a chye ginhka ai a majaw, n-gun n ja ai wa gaw hten wa sai; dai hpunau wa a matu mara Hkristu gaw si hkam nu hka!

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

TARA JAHPRANG 24:7

Masha langai ngai tinang hpunau Israela amyu hpe lagu la nna, mayam yam ai, shing n rai dut sha ai rai yang, dai lagut wa hpe sat kau na rai ndai: shing di nang hta na n shawp ai amu nang seng kau na rai ndai.