NEHEMIA 5:19 - Jinghpaw Hanson Version Bible

¹⁹ Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

Jinghpaw Common Language Bible 2009

¹⁹ O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

NEHEMIA 5:19 ပူးပေါင်းရင်းမြစ်များ

NINGPAWT NINGHPANG 40:14

Nang ngamu ngamai lu ai shaloi ngai hpe dum nna chyeju madun e lu yaw; Hpara-u a man e nye a lam tsun dan nna, ndai nta na ngai hpe shaw la e:

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

NEHEMIA 13:14

Nye a Karai Kasang e, dai amu majaw ngai hpe dum e; nye a Karai Kasang a nta matu mung, dai hte seng ai daw jau ai amu matu mung, ngai galaw ai mai kaja ai amu hpe hkum shaprai kau ya e.

NEHEMIA 13:22

Bai, Lewi masha ni gaw, laban nhtoi hpe shachyoi shapra na matu tinang hkum hpe shachyoi shapra nna, chyinghka ni hpe sin nga na lam, ngai shanhte hpe hkang da nngai. Nye a Karai Kasang e, dai lam majaw mung ngai hpe dum ya e; na n-gaw nwai ai myit galu kaba ai hte maren, ngai hpe matsan dum la e law.

NEHEMIA 13:31

Ndat da ai aten hta hpun kumhpa hte shawng ngai ai nsi naisi hpe nawng na matu hkang da nngai. Nye a Karai Kasang e, chyeju hku ngai hpe dum e law.

SHAKAWN KUNGDAWN 106:4

Nang lata la ai ni a ngamai ai lam ngai mu lu na hte, Na a amyu a kabu gara ai hta ngai mung kabu lu nna, Na a sali wunli hte shakawn kungdawn nga lu n ga,

SHAKAWN KUNGDAWN 40:17

Ngai nni nkri hte matsan mayan hkrum nga nngai, Rai timung, dai Madu gaw ngai hpe myit dum nga ai; Ngai hpe karum ai wa hte, mawai la ai wa nang rai nga ndai: Nye a Karai Wa e, hkum ganung nga et law.

YEREMIA 29:11

Yehowa ning nga ai: Nanhte a lam ngai myit ai hku, ngai chye nga nngai: nanhte hpe jahten na n rai; nanhte myit mada ai lam, htawm hpang e lu la hkra, ngwipyaw ai hku hkrai ngai myit nga nngai.

MAHTE 10:42

Masha langai ngai gaw, sape a myi man hpe tau nna, ndai ma kaji langai ngai hpe, ntsin katsi htinggap mi sha jaw wu yang, dai wa gaw shi a shabrai n lu la na nu ai n rai, nga nna ngai nanhte hpe teng teng tsun nngai,” ngu mu ai.

MARKU 9:41

Nanhte hpe ngai teng teng tsun made ai gaw, Hkristu a amying hte nanhte seng nga myit dai, nga nna ntsin htinggap mi nanhte hpe jaw ai wa kadai mung, shi a shabrai hpe gaja wa gawm kaw lu na wu ai n rai.