NEHEMIA 5:15 - Jinghpaw Hanson Version Bible

¹⁵ Shawng de na munggyi ni chyawm gaw, mung masha ni a hkaulaw sha ma ai rai nna, muk hte tsabyi jahku mung, gumhpraw shekela mali shi mung, sha ma ai: shanhte a mayam ni pyi mung masha ni a ntsa e up nga ma ai. Ngai chyawm gaw Karai Kasang hpe hkrit kamyin ai majaw, dai zawn n galaw nngai.

Jinghpaw Common Language Bible 2009

¹⁵ Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

NEHEMIA 5:15 ပူးပေါင်းရင်းမြစ်များ

NINGPAWT NINGHPANG 20:11

Abraham gaw, “Ndai yang e Karai Kasang hkrit ai masha n nga ma ai rai nna, nye madu jan a majaw ngai hpe sat kau na ma ai, ngu nna ngai myit ai majaw sha rai nga ai.

NINGPAWT NINGHPANG 42:18

Masum ya du ai shani hta Yawsep gaw shanhte hpe shaga nna, Ngai mung Karai Kasang hpe hkrit ai wa rai nga nngai; dai rai nna nanhte hkrung nga lu na gaw, ning rai mu:

NEHEMIA 5:16

Gaja wa bunghku kum na amu hta ngai dinggrin nga nna, lamu ga n mari nngai. Nye a mayam ni mahkra mung dai amu hta jawm galaw ma ai.

NEHEMIA 5:9

Bai ngai gaw, “Nanhte galaw ai lam n mai nga ai: anhte hpe hpyen ai maigan masha ni a man e, anhte a Karai Kasang hpe hkrit hkungga ai myit hte, mai hkawm nga ai, n rai ni?

YOBA 31:23

Kaning rai nme law, Karai Wa shoihpa shoirang hpe ngai hkrit nna, shi daru magam man e hpa mung n galaw lu nngai.

SHAKAWN KUNGDAWN 112:1

Yehowa hpe hkrit hkungga nna, Shi htet da ai ga hta e, awng nga ai wa gaw, a nga ai.

SHAKAWN KUNGDAWN 147:11

Yehowa gaw shi hpe hkrit kamyin ai ni hte, Shi a chyeju hpe myit mada ai ni hta, awng nga ai.

GA SHAGAWP 16:6

Chyeju hte kangka ai gaw, yubak mara hpe htingrai lu nga ai; Yehowa hpe hkrit kamyin ai myit hte, yubak hpe koi kau lu nga ai.

GA SHAGAWP 29:12

Du wa gaw masu ai ga madat yang, Shi a ali ama ni yawng, n hkru na mara ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

YEREMIA 32:9

Dai rai nna ngai gaw, Anahtot e nga ai ga dachyawk hpe, wa di a kasha Hanamela kaw na mari la nna, gumhpraw shekela shi sanit, shi a matu shen ya we ai.

SHARUNG SHAYAWT 5:8

Mayam ni gaw anhte a ntsa e up nga ma ai; Shanhte a lata na anhte hpe mawai la ai wa, n nga ai.

MAHTE 5:47

Nanhte a nhpu nnau ni hpe sha hkrum shaga myit yang gaw, hpa grau shara nga na myit ta? tara maigan ni mung, dai hte maren galaw ma ai, n rai ni?

2 KORINHTU 11:9

Makedoni mung na du sa ai hpunau ni chyawm gaw ngai ra mara shapraw jaw ma ai rai nna, nanhte hpe hpa mung n shatsang ai sha ngai sadi nga ai hte naw a sadi nga na nngai.

2 KORINHTU 12:13

Kaning rai nme law, ngai nanhte hpe n sharu shatsang ai lam n lawm yang me, nanhte Hpung kaga ni hte kaning rai lawu grit nga myit ta? shing rai ngai shut ai mara hpe dat kau ya mi.

1 SAMUELA 8:15

Nanhte a nsi naisi hte tsabyi htamshi na htammi shi la nna, shi a bu hkringmang ni hte shangun ma ni hpe jaw na mu ai.