NEHEMIA 5:13 - Jinghpaw Hanson Version Bible

¹³ Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.

Jinghpaw Common Language Bible 2009

¹³ Dai hpang nye a nshang grup grup hpun da ai palawng galu hpe raw ahpu let, “Nanhte a ga sadi hpe n hkan shatup ai kadai hpe mung ndai zawn Karai Kasang ahpu kau nna, nanhte a dum nta ni hte nanhte madu ai arai magup shagu hte hpe shi dawm la kau nhtawm nanhte hpe kaman tawn kau da na ra ai,” ngu nna ngai tsun ni ai. Dai yang e nga nga ai masha shagu hte gaw, “Amen,” ngu nhtawm dai Madu hpe Amen ngu nna shakawn kungdawn ma ai. Ningbaw ni mung shanhte a ga sadi hpe hkan shatup ma ai.

NEHEMIA 5:13 ပူးပေါင်းရင်းမြစ်များ

2 HKAWHKAM 23:3

Dai hta kaga hkawhkam wa gaw dai shadaw makau e tsap nga let ndai laika hta ka da nga ai ga shaka hpe shagrin tawn da na hte, Yehowa hpe hkan nang let, Yehowa a hkang da ai ga, sakse ga hte matsun maroi ga hpe, myit masin mahkra hte n-gun lagaw mahkra hte hkan shatup na nga, Yehowa a man e ga shaka tawn da wu ai: mung masha ni nlang hte mung dai ga shaka hpe yin la mu ai.

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

NEHEMIA 8:6

ya Ezra gaw galu kaba re ai Karai Kasang Yehowa hpe shakawn kungdawn wu ai. Mung masha ni nlang hte gaw, tinang a lata sharawt let, “Amen, Amen,” nga ma ai rai nna, ga du hkra gum dagup let, Yehowa hpe nawku nga ma ai.

SHAKAWN KUNGDAWN 119:106

Na a dingman ai tara dara ai lam hpe hkan nang na, Ngai dagam da nna galaw ngut se ai.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

SHAKAWN KUNGDAWN 76:11

Nanhte a Karai Kasang Yehowa hpe, Ga shaka tawn da nna raw dat mu: Grup yin e nga ai ni nlang hte gaw, Hkrit mai ai wa hpe kumhpa sa sak mu.

GA SHAGAWP 28:4

Tara hpe kau da ai ni gaw, tara n lang ai ni hpe shakawn ma ai; Tara hpe hkan nang ai ni chyawm gaw, shanhte hte dangrang hkat ma ai.

HPAJI NINGLI 5:5

Dagam nna rap n raw ai hta, n dagam ai nga na, grau mai nga ai.

BU HKAWM 5:22

nga nna hkinjawng wa machyai jaw yang numsha gaw, dagam dala ai ga hkan tsun ngut jang, Amen, Amen,” ngu nna yin la na rai wu ai.

MAHTE 10:14

Nanhte hpe n hkap hkalum la nna, nanhte a ga hpe n madat ya yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu kau mu.

KASA 13:51

Shan gaw tinang a lagaw na nhpu shanhte hpang maga ahpu kau da nna, Ikoni mare de du ma ai.

KASA 18:6

Shanhte chyawm gaw hkap ndang ai hte aroi ara nga ma yang, shi palawng ahpu dan let, “Nanhte a asai gaw nanhte a baw e mara nga nu ga; ngai chyawm gaw lawt ni ai: ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

1 KORINHTU 14:16

Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

1 SAMUELA 15:28

Dai majaw Samuela gaw, “Dai ni Yehowa Israela mungdan, nang kaw na gang je la nna, nang hte grau kaja ai, na a htingbu wa langai mi hpe, jaw kau nu ai.