NEHEMIA 4:9 - Jinghpaw Hanson Version Bible

⁹ Rai timung anhte gaw, anhte a Karai Kasang hpe akyu hpyi let, shanhte a majaw, shani shana sin langa tawn da ga ai.

Jinghpaw Common Language Bible 2009

⁹ rai ti mung anhte gaw anhte a Karai Kasang kaw akyu hpyi ga ai hte shani shana sin langa masha ni hpe tawn da ga ai.

NEHEMIA 4:9 ပူးပေါင်းရင်းမြစ်များ

NINGPAWT NINGHPANG 32:28

Bai dai wa gaw, Na a amying hpa rai lit ta? ngu nna san wu yang, Yaku ngu ai rai li ai, ngu nna tsun dan wu ai.

NEHEMIA 4:10

Yuda masha ni mung, lit gun hpai ai ni n-gun yawm wa ai hte shanut shanaw grai law nga ai majaw, mare bunghku hpe n kum lu saga ai, nga ma ai.

NEHEMIA 4:11

Anhte hpe hpyen ai ni mung, “Shanhte n dum shamyi nga nga yang, shanhte a ka-ang de anhte shang nna, shanhte hpe sat kau ai hte dai amu hpe nhtut kau shangun na re ai,” nga ma ai.

YOBA 5:12

Hkalem hkalau ai ni a lata, tinang amu hpe n shabyin lu u ga, shi gaw, shanhte a hpaji daw ai lam shanut kau ya mu ai.

SHAKAWN KUNGDAWN 33:10

Masha amyu ni a hpaji daw ai hpe, Yehowa shanut kau ya mu ai: Amyu baw ni a myit ai hku hpe, shi hkum da mu ai.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

GA SHAGAWP 22:12

Yehowa a myi gaw, chye chyang ai wa hpe bau sin nga ai; Maw sha ai wa a ga hpe chyawm gaw, shi shanut kau nga ai.

MAHTE 26:41

agung alau ai kaw n du myit ga, maja nga ai hte akyu hpyi nga mu: wenyi gaw let nga ai, hkum shan mahtang n-gun kya nga ai,” ngu mu ai.

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.