NEHEMIA 4:11 - Jinghpaw Hanson Version Bible

¹¹ Anhte hpe hpyen ai ni mung, “Shanhte n dum shamyi nga nga yang, shanhte a ka-ang de anhte shang nna, shanhte hpe sat kau ai hte dai amu hpe nhtut kau shangun na re ai,” nga ma ai.

Jinghpaw Common Language Bible 2009

¹¹ Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

NEHEMIA 4:11 ပူးပေါင်းရင်းမြစ်များ

2 SAMUELA 17:2

shi ba galawp nna gawng kya nga yang, shi hpe ngai htim gasat nna kajawng dat na we ai; shaloi shi hte rau nga ai ni nlang hprawng ma jang, hkawhkam wa hpe chyu sha sat kau na we ai:

NEHEMIA 4:10

Yuda masha ni mung, lit gun hpai ai ni n-gun yawm wa ai hte shanut shanaw grai law nga ai majaw, mare bunghku hpe n kum lu saga ai, nga ma ai.

NEHEMIA 4:12

Shanhte a makau e de nga ai Yuda masha ni mung, shara shagu hkan sa nna, “Nanhte gaw anhte hpang de nhtang wa marit,” nga nna shi lang lai hkra anhte hpe tsun mi ai.

NEHEMIA 4:9

Rai timung anhte gaw, anhte a Karai Kasang hpe akyu hpyi let, shanhte a majaw, shani shana sin langa tawn da ga ai.

SHAKAWN KUNGDAWN 56:6

Nye a asak hpe tam ma ai majaw, Shanhte zuphpawng nna gyam yu let, Nye a lagaw hkang hpe matsing nga ma ai.

ESAIA 47:11

Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

KASA 23:12

Ya nhtoi htoi yang Yuda masha ni jawm hpawng nna, “Pawlu hpe garai n sat lu lu gaw, hpa mung n lu n sha na ga ai,” nga nna tinang hkum dai dagam shaka ma ai.

KASA 23:21

Dai rai nna shanhte ra ai hku hkum hkraw ya et; Pawlu hpe garai n sat lu lu gaw, hpa mung n lu n sha, nga nna tinang hkum dai dagam shaka ai marai mali shi jan, shi hpe hkap rim na makoi nga na ma ai; ya pyi, na a ahkang ala let, ndai amu galaw na shanhte jin jin rai nga masai,” ngu wu ai.

1 HTESALONI 5:2

kaning rai nme law, shana na lagu lagut shang ai zawn, dai Madu a shani mung du na ra ai hpe, nanhte nan azin ayang chye nga myit dai.