NEHEMIA 3:26 - Jinghpaw Hanson Version Bible

²⁶ Nehtinim masha ni chyawm gaw, sinpraw maga na hka chyinghka tawtap e shinggan de kra ai langchyi du hkra, Ohpela shara e nga nga ma ai.

NEHEMIA 3:26 ပူးပေါင်းရင်းမြစ်များ

1 HKAWHKAM LABAU 9:2

Shanhte a mare ni hte madu lu ai lamu ga hta shawng nga ai ni gaw, Israela masha ni, hkinjawng ni, Lewi masha ni hte Nehtinim ni rai nga ma ai.

2 HKAWHKAM LABAU 27:3

Shi gaw Yehowa a nta na ntsa chyinghka galaw ai hte, Ohpela bunghku hta law law gaw kahtap wu ai.

2 HKAWHKAM LABAU 33:14

Dai hpang shi gaw, Gihon hka shi sinna maga a kadit hta e, nga chyinghka la du hkra, Dawi a mare a shinggan bunghku kum nna, Ohpela kawng shalawm let, ja ja tsaw hkra kum da wu ai: dai hta kaga Yuda mung na bunghku kum ai mare ni hta nden ja ai hpyen du ni hpe san da wu ai.

NEHEMIA 10:28

Hpaji byeng-ya hte chye chyang ai myit rawng ai, naw ngam nga ai masha ni mahkra gaw, hkinjawng ni, Lewi masha ni, chyinghka sin ai ni, mahkawn mangoi chye ai ni, Nehtinim masha ni hte rau, Karai Kasang a tara hpe hkan nang na nga, kasha kanu ni, shayi shadang sha ni hte hpawn, dai mung na maigan amyu ni hta na tinang hkum hpe jahka kau ai ni nlang hte gaw,

NEHEMIA 11:21

Nehtinim masha ni chyawm gaw Ohpela bum hta de nga nna, Ziha yan Gispa gaw shanhte a ntsa e up nga ma ai.

NEHEMIA 12:37

Shanhte tawtap e nga ai, hka hpawk chyinghka de du yang, shanhte gaw Dawi a htingnu lahta na, Dawi mare de lung wa ai lakang hkan nna, bunghku lam hku, sinpraw maga, hka chyinghka du hkra, hkawm wa ma ai.

NEHEMIA 3:27

Teko masha ni mahtang, kra nga ai langchyi kaba kaw nna, Ohpela bunghku du hkra, daw mi lajang da mu ai.

NEHEMIA 8:1

Shaloi jang, shawa hpawng ting hka chyinghka ndaw na dam lada ai shara hta myit langai sha hte sa hpawng nna, “Yehowa gaw Israela hpe hkang tawn da ai Mawshe a tara laika hpe la sa rit,” ngu nna chyare wa Ezra hpe hpyi mu ai.

NEHEMIA 8:16

Ya mung masha ni sa wa nna, lakung lakying ni la wa nhtawm, tinang nta ni a ntsa e mung, tinang a wang kata e mung, Karai Kasang nta a wang kata e mung, hka chyinghka hte Ehprim chyinghka ndaw na dam lada ai shara e mung, sum gap nga ma ai.

NEHEMIA 8:3

Jahpawt jau jau e kaw nna, jan pungding du hkra, hka chyinghka ndaw na dam lada ai shara e tsap let, chye na lu ai numsha lasha ni a man e hti dan ai hte, mung masha ni yawng dai tara laika ga hpe madat mara nga ma ai.

ESAIA 32:14

Kaning rai nme law, hkawhkam htingnu gaw, kau da ai hkrum nna, masha law nga ai mare gaw, shingran katsi mat na ra ai: