NEHEMIA 3:25 - Jinghpaw Hanson Version Bible

²⁵ Uzai a kasha Pala gaw, bunghku magaw ai tawtap e mung, htawng wang makau, hkawhkam a lahta nta ndaw e nga ai langchyi hpe mung lajang wu ai. Shi a hpang e Parosha kasha Pedaia lajang wu ai.

Jinghpaw Common Language Bible 2009

^25-26 Uzai a kasha Pala gaw bunghku jut npawt e mung, sin langa a wang makau lahta hkawhkam htingnu a langchyi hpe mung galaw wu ai; Parosha a kasha Pedaia gaw Hka Chyinghka makau, sinpraw maga na matu hte Nawku Htingnu hpe sin ai langchyi du hkra galaw nga ai. (Dai shara gaw Nawku Htingnu amu galaw masha ni nga ai Ohpela mying ai mare daw mi hte htep rai nga ai.)

NEHEMIA 3:25 ပူးပေါင်းရင်းမြစ်များ

EZRA 2:3

Parosha a kashu kasha ni gaw, hkying lahkawng latsa e sanit shi lahkawng rai ma ai.

NEHEMIA 12:39

bai, Ehprim chyinghka, Dingsa chyinghka, Anga chyinghka hte Hananela hte Hamea langchyi ni lai nna, Sagu chyinghka du nhtawm, sin langa ni a lam makau e tsap hkring nga ga ai.

NEHEMIA 7:8

Parosha kashu kasha ni gaw, hkying lahkawng latsa e sanit shi lahkawng rai ma ai.

NEHEMIA 8:4

Chyare wa Ezra gaw, shanhte shachyaw san da ai tara tingnyang ntsa e tsap nga nna, shi a hkra maga de, Mahtia, Shema, Anaia, Uria, Hilkia hte Masia; pai maga de, Pedaia, Mishaela, Malhkia, Hashum, Hashbadana, Zehkaria, Meshulam hte tsap nga ma ai.

YEREMIA 22:14

shi gaw, Nta kaba, dam lada ai gawk ni, ngai galaw na nngai, nga nna tsun let, hkuwawt hku waw nna, arit hpun hte galup nhtawm, hkyeng kabrim ai tsi hte chya nu hka!

YEREMIA 32:2

Dai aten e Babelon hkawhkam a luksuk ni gaw, Yerusalem mare hpe wang tawn manu ai: myihtoi Yeremia gaw, Yuda hkawhkam a htingnu e nga ai htawng a wang kata e rawng nga ai.

YEREMIA 33:1

Dai hta kaga, Yeremia gaw htawng wang kata e bawng naw dung nga yang, Yehowa a mungga lahkawng lang ngu na shi kaw du nna, Ndai amu galaw ai Yehowa, ndai lam shabyin nna shagrin da ai Yehowa, Yehowa mying ai wa gaw ning nga ai:

YEREMIA 37:21

Shaloi hkawhkam Zedekia hkang da nna, shanhte gaw Yeremia hpe sin langa ni a wang kata e tawn da mu ai; dai hta n-ga, mare na muk yawng ma ai du hkra, shanhte gaw shani shagu muk kabaw ai seng na, muk tawng tawng, shi hpe a jaw nga ma ai: shing rai Yeremia gaw sin langa ni a wang kata e anga nga ai.

YEREMIA 38:13

Shing rai shanhte gaw Yeremia hpe nhkun kata de na sumri hte dun shapraw la mu ai: dai hpang Yeremia gaw, htawng wang kata e nga nga ai.

YEREMIA 39:8

Dai hta kaga Hkalde masha ni gaw, hkawhkam htingnu hte mung masha ni a nta ni hpe nat kau nna, Yerusalem mare bunghku ni hpe run kau mu ai.

MIHKA 4:8

Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.