NEHEMIA 3:15 - Jinghpaw Hanson Version Bible

¹⁵ Mizpa ginwang chyen mi up ai du, Hkola-hoze kasha Shalum gaw, hka hpawk chyinghka hpe lajang da wu ai: shi dai hpe galaw nna, galup da ai hte, de a chyinghka ni noi da nna, de a shingla ni hte htinggrang ni shakap da nhtawm, hkawhkam sun makau na Shela hka lawng bunghku hpe, Dawi mare na yu wa ai lakang du hkra gaw da wu ai.

Jinghpaw Common Language Bible 2009

¹⁵ Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

NEHEMIA 3:15 ပူးပေါင်းရင်းမြစ်များ

2 SAMUELA 5:9

Dawi mung dai hpyen dap hta dung nna, Dawi a mare ngu nna shamying wu ai. Bai Dawi gaw Milo dap kaw nna, grup yin e, kata maga de, nta gap galaw lajang wu ai.

2 HKAWHKAM 25:4

Dai shaloi e Hkalde masha ni gaw dai mare grup yin e wang tawn nga ma ai rai nna, mare bunghku hpe tawk waw nhtawm, hpyen masha ni nlang hkawhkam wa a sun makau e nga ai, bunghku lahkawng a lapran a chyinghka lam hku shana e hprawng pru nna, hkawhkam wa gaw layang ga hku hprawng mat wa ai.

2 HKAWHKAM LABAU 32:30

Dai hta kaga, ndai Hezekia gaw, Gihon lahta na hka shi hpe pat kau nna, Dawi mare a sinna maga hku ang ang shalen dat wu ai. Shing rai Hezekia gaw shi galaw ai lam shagu hta awng wa lu ai.

NEHEMIA 12:37

Shanhte tawtap e nga ai, hka hpawk chyinghka de du yang, shanhte gaw Dawi a htingnu lahta na, Dawi mare de lung wa ai lakang hkan nna, bunghku lam hku, sinpraw maga, hka chyinghka du hkra, hkawm wa ma ai.

NEHEMIA 2:14

Dai hpang, hka hpawk chyinghka hte hkawhkam hka lawng lai hkra, ngai hkawm yu yang, ngai jawn ai gumra matu lai na lam n nga ai.

NEHEMIA 2:17

Dai hpang ngai shanhte hpe, “Anhte hkrum ai tsin-yam tsindam, Yerusalem mare katsi katsang rai nga ai hte, de a chyinghka ni hkru mat nga ai hpe nanhte mu manit dai: sa marit, htawm hpang e anhte aroi arip n hkrum u ga, Yerusalem bunghku ni hpe anhte sharawt ga,” ngu nna shanhte hpe tsun dan let,

NEHEMIA 3:12

Shan hte yep, Yerusalem ginwang chyen mi up ai, Halo a kasha Shalum hte shi a shayi sha ni lajang nga ma ai.

NEHEMIA 3:14

Bet-hahkerim ginwang up ai du, Rehkab a kasha Malhkia gaw maza htawm kau ai chyinghka hpe galaw lajang nna, de a chyinghka ni hpe noi da ai hte, de a shingla ni hte htinggrang ni hpe shakap da wu ai.

NEHEMIA 3:19

Shi hte yep, Mizpa mare up ai, Yeshua kasha Ezera gaw hpyen rai tawn da ai nta tawtap, mare bunghku jut du hkra, daw mi lajang wu ai.

NEHEMIA 3:7

Shanhte hte yep Gibeon masha Melatia, Meron masha Yadon, Gibeon hte Mizpa masha ni gaw, lajang da mu ai: dai ni gaw hka sinna hkran up ai munggyi a tingnyang hte seng ma ai.

NEHEMIA 3:9

Shanhte hte yep, Yerusalem ginwang chyen mi up ai, Hura kasha Rehpaia lajang nga ai.

HPAJI NINGLI 2:6

hkai da ai hpun maling ni hpe ntsin jaw na matu hka lawng mung galaw da nngai:

ESAIA 8:6

“Ndai amyu gaw angwi sha lwi ai Shilo hkaraw na hka hpe gang kau nna, Rezin hte Remalia kasha hta kabu ma ai majaw,

YEREMIA 40:6

Dai rai nna Yeremia gaw Mizpa mare e nga ai Ahikam a kasha Gedalia hpang de wa nna, dai mungdan hta naw ngam nga ai ni hte rau nga nga ai.

LUKA 13:4

Dai hta kaga, ‘Siloam kahtawng na langchyi daw hkrat nna, kamyet si ai masha shi matsat gaw, Yerusalem mare na ni yawng hta mara grau law ma ai,’ ngu nna nanhte myit da mu ni?

YAWHAN 9:7

“Silum hka lawng de sa kashin su,” ngu nna shi hpe tsun dat wu ai: dai hte maren shi sa kashin nna, myi mu ai hte bai wa ai: (Silum ngu ai gaw, shangun dat ngu ai, rai nga ai.)

TARA AGYI 20:1

Dai re ai majaw, Israela amyu masha ni nlang hte gaw, Gilead mung na ni hte rau lang lata rawt nna, Dan mare kaw nna Berasheba du hkra shawa masha nlang langai hkum sha zawn Mizpa mare e Yehowa man e zuphpawng nga ma ai.

TARA AGYI 20:3

Israela amyu masha ni Mizpa de sa ma ai gaw, Ben-yamin amyu masha ni mung na ma ai. Ya Israela amyu masha ni, Dai n shawp ai amu kaning rai byin ai, anhte hpe tsun dan mi, ngu nna san mu ai.