NEHEMIA 3:14 - Jinghpaw Hanson Version Bible

¹⁴ Bet-hahkerim ginwang up ai du, Rehkab a kasha Malhkia gaw maza htawm kau ai chyinghka hpe galaw lajang nna, de a chyinghka ni hpe noi da ai hte, de a shingla ni hte htinggrang ni hpe shakap da wu ai.

Jinghpaw Common Language Bible 2009

¹⁴ Hahkerim ginwang up ai Rehkab a kasha Malhkiya gaw Maza Chyinghka hpe bai galaw da nga ai. Shi gaw chyinghka ni hpe shara hte shara tawn da nhtawm shingla ni hte htinggrang ni hpe shakap da wu ai.

NEHEMIA 3:14 ပူးပေါင်းရင်းမြစ်များ

2 SAMUELA 4:2

Ya Shawlu a kasha kaw hpyen du lahkawng naw nga ma ai: langai mi a amying gaw Bana, langai mi Renkab, rai ma ai; shan gaw Ben-yamin amyu, Berot shara na Rimon a kasha yan rai ma ai; --Berot mare chyawm gaw Ben-yamin lamu ga hta lawm nga ai;

2 HKAWHKAM 10:15

Dai kaw na shi pru wa yang, shi hpe tau la na nga, pru sa wa ai Rehkab a kasha Yehonadab hte hkrum nna, “Nye a myit masin gaw na a myit masin hte langai sha rai nga ai hte maren, na a myit masin mung rai nga lit ni?” ngu nna hkap shachyen let, san wu ai. Yehonadab gaw, “Maren rai nga li ai,” Ngu nna htan wu ai. Yehu gaw, “Dai rai yang lata matut ga,” ngu nna tsun wu ai. Shaloi shi gaw shi hte lata matut let, Yehu gaw shi hpe leng hta e woi shajawn wu ai rai nna,

1 HKAWHKAM LABAU 6:40

Shimea gaw Mihkaela kasha; Mihkaela gaw Basea kasha; Basea gaw Malhkiya kasha;

NEHEMIA 12:31

Shaloi ngai gaw Yuda du salang ni hpe bunghku ntsa de shaga la nhtawm, mahkawn mangoi let nawt hkawm ai hpung kaba lahkawng, san da nngai; hpung mi gaw bunghku a hkra maga, maza htawm kau ai chyinghka de hkawm wa ma ai:

NEHEMIA 2:13

Shaloi ngai gaw shana aten e kadit chyinghka lam hku pru nna, baren hka htung hte maza htawm kau ai chyinghka lam du hkra, run agrawp kau ai Yerusalem mare bunghku ni hte, de a hkru mat ai chyinghka ni hpe mada yu nngai.

NEHEMIA 3:9

Shanhte hte yep, Yerusalem ginwang chyen mi up ai, Hura kasha Rehpaia lajang nga ai.

YEREMIA 6:1

“Ben-yamin a kashu kasha ni e, Yerusalem mare na pru nna, lawt hkra hprawng mu; Tekoa kahtawng e pahtau dum mu; Bet-hahkerem e kumla sharawt mu: kaning rai nme law, ruyak ai hte jahten shabyak kaba, dingdung maga de na dawng pru nga ai.