NEHEMIA 2:19 - Jinghpaw Hanson Version Bible

¹⁹ Ya, Horoni masha Sanbalat, mayam rai nga ai Ammon masha Tobia hte Arabi masha Geshem hte gaw dai lam na jang, shanhte asawng asang mani let anhte hpe roi nna, “Nanhte galaw ai lam hpa rai ta? Hkawhkam wa hpe gumlau na myit ni?” ngu nna tsun mi ai.

Jinghpaw Common Language Bible 2009

¹⁹ Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

NEHEMIA 2:19 ပူးပေါင်းရင်းမြစ်များ

NEHEMIA 13:28

Ya hkinjawng agyi Eliasheb a kasha Yoiada a shadang sha langai mi gaw, Horoni masha Sanbalat a kahkri rai nga ai majaw, ngai shi hpe shachyut kau nngai.

NEHEMIA 2:10

Shing rai, Israela kashu kasha ni hpe lanu lahku ya na nga, masha langai mi sa wa ai lam, Horoni masha Sanbalat hte, mayam rai nga ai Ammon masha Tobia na mu yang, shan gaw nachying myit n pyaw nga ma ai.

NEHEMIA 4:1

Shing rai anhte gaw, mare bunghku gaw da ai lam, Sanbalat na wu yang, shi pawt bu nna, ja ja myit kahtet let Yuda masha ni hpe roi nga ai.

NEHEMIA 6:6

Dai laika hta rawng ai ga gaw, nang hte Yuda masha ni gaw gumlau na maw myit dai da, grup yin na amyu ni hta kajai nga ma ai; Gashem mung dai lam tsun nga ai: dai lam majaw nang bunghku kum nna, kajai nga ai hte maren, nang shanhte a hkawhkam tai na maw ndai.

NEHEMIA 6:9

Kaning rai nme law, “Shanhte n-gun yawm nna, dai amu hpe n shangut lu mu ga,” nga nna, shanhte nlang anhte hpe jahkrit na maw ma ai. Rai timung, “Nye a lata hpe n-gun shaja ya e law.”

YOBA 30:1

Ya chyawm gaw ngai hte asak kaji ai ni ngai hpe jahpoi asawng ma ai; shanhte a kawa ni, nye sagu sin ai gwi ni hte kanawn na pyi, ngai n hkraw nngai.

SHAKAWN KUNGDAWN 123:4

Nhpaw n-ya re ai ni a aroi arip hte, Gumrawng ai ni a shatan nhkan hpe, Anhte a myit masin nau nan wa hkrum la sai.

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

SHAKAWN KUNGDAWN 80:6

Nang anhte hpe htingbu ni hte ga lai shara shatai nna, Gumlau ni mung anhte hpe aroi arip rai ma ai.

SHAKAWN KUNGDAWN 80:7

Zaw nawng zaw wa up ai Karai Kasang e, Anhte hpe shalan shabran la mi: Na a myi man a nhtoi jahtoi ya nna, Anhte hkye hkrang la ai hkrum na ga ai.

ESAIA 36:5

Nang gaw, ‘Majan gasat na matu hpaji byeng-ya mung, n-gun lagaw mung, rawng nga nngai,’ nga nna tsun timung, dai gaw kaman lila ga hkrai rai nga ai. Ataw, ngai hpe gumlau na nga, kadai hpe hpa nga n ta?

YEREMIA 20:8

Ngai ga tsun shagu shabam nngai: Kashun kashe hte hten byak na lam hkrai, ngai jahtau nngai; Yehowa mungga gaw ngai hta shatan nhkan hte jahpoi shara, shani shagu tai nga ai.

YEREMIA 41:10

Shaloi Nehtania kasha Ishmaela gaw, Ahikam a kasha Gedalia a lata hta, sin langa ni a hpyen du Nebuzaradan ap kau ai, hkawhkam shayi sha ni hte Mizpa mare e naw ngam nga ai mung masha ni mahkra hpe rim woi wa nna, Ammon kashu kasha ni hpang de sa wa na maw nga ai.

MAHTE 9:24

“Yen dat mi, dai numsha ma gaw si nga ai n rai, yup pyaw nga ai,” ngu wu ai. Shanhte mahtang shi hpe asawng asang di kau mu ai.

MARKU 5:40

Shanhte chyawm gaw shi hpe asawng asang ngu kau mu ai. Shi mahtang nlang hte hpe shaden kau ngut jang, dai ma a kanu yan kawa hte shi hte rau nga ai ni hpe, shaga la nna, dai ma taw nga ai shara de shang wa ai:

LUKA 23:2

“Ndai wa gaw anhte a amyu hpe lam woi shadam ai hte, Kehta hkawhkam hpang de hkansi bang na lam hkum da nna, shi hkum dai Hkristu ngu ai hkawhkam rai nga ai, nga nna tsun nga ai hpe, anhte mu ga ai,” ngu nna shi hpe mara jun mu ai.

YAWHAN 19:12

Shing nga ai majaw Pilat gaw Yesu hpe dat dat na lam tam nga ai: Yuda masha ni mahtang, “Nang dai wa hpe dat dat n yang gaw, nang Kehta hkawhkam a jinghku n rai nit dai: tinang dai tinang hkum hpe hkawhkam shatai la ai wa gaw, Kehta hkawhkam hte nhtan shai ai wa rai nga ai,” nga nna jahtau ma ai.

KASA 24:5

Ndai wa gaw n hkru n hkra re ai hte, mungkan ting na Yuda masha ni nlang hpe gumlau sharawt nna, dai Nazaret hpung a agyi kaba rai nga ai gaw, anhte mu gaw ai:

HEBRE 11:36

Bai kaga nkau mi gaw, asawng asang, anu kayat re ai hta n-ga, gyit hkang sharen ai hte htawng hta bang da ai di nna chyam yu dinglik ai hkrum ma ai: