NEHEMIA 2:17 - Jinghpaw Hanson Version Bible

¹⁷ Dai hpang ngai shanhte hpe, “Anhte hkrum ai tsin-yam tsindam, Yerusalem mare katsi katsang rai nga ai hte, de a chyinghka ni hkru mat nga ai hpe nanhte mu manit dai: sa marit, htawm hpang e anhte aroi arip n hkrum u ga, Yerusalem bunghku ni hpe anhte sharawt ga,” ngu nna shanhte hpe tsun dan let,

Jinghpaw Common Language Bible 2009

¹⁷ Rai ti mung ya chyawm gaw ngai shanhte hpe, “Yerusalem hten run mat nna de a chyinghka ni hten za mat sai majaw kaning re ai tsin-yam tsindam anhte hkrum sha nga ga ai hpe yu yu mu! Anhte gaw mare hpe bai de da ai hte anhte a sari hpoi hkrum ai amu hpe jahtum kau saga,” ngu nna tsun we ai.

NEHEMIA 2:17 ပူးပေါင်းရင်းမြစ်များ

EZRA 9:9

Anhte gaw mayam rai nga ga ai: rai timung, anhte a Karai Kasang gaw, mayam amu hta, anhte hpe kau da mi ai n rai: anhte hpe bran shangun na hte, anhte a Karai Kasang a nta hpe galaw lu nna, de a marawng marang ni bai yu lajang na mung, Yuda mung hte Yerusalem mare hta bunghku naw sharawt lu na mung, shi gaw, chyeju myit hte, anhte hpe Persi hkawhkam a man e myi man pa shangun mi ai.

NEHEMIA 1:3

“Shaloi shanhte gaw, bawng dung kaw na lawt nna, mungdaw ni hta ngam nga ai ni gaw, tsin-yam tsindam, shoihpa shoirang law law wa hkrum ma ai: Yerusalem a bunghku ni gaw run agrawp mat nna, mare chyinghka ni mung, hkru mat ma masai,” nga nna ngai hpe tsun ma ai.

NEHEMIA 2:13

Shaloi ngai gaw shana aten e kadit chyinghka lam hku pru nna, baren hka htung hte maza htawm kau ai chyinghka lam du hkra, run agrawp kau ai Yerusalem mare bunghku ni hte, de a hkru mat ai chyinghka ni hpe mada yu nngai.

NEHEMIA 2:16

Mung du ni chyawm gaw, ngai gade hkawm ai hte, ngai hpa galaw maw ai lam n chye ma ai. Yuda masha ni, hkinjawng ni, arawng lu ai ni hte mung du ni hpe hpa mung garai n tsun shapraw nngai.

NEHEMIA 3:15

Mizpa ginwang chyen mi up ai du, Hkola-hoze kasha Shalum gaw, hka hpawk chyinghka hpe lajang da wu ai: shi dai hpe galaw nna, galup da ai hte, de a chyinghka ni noi da nna, de a shingla ni hte htinggrang ni shakap da nhtawm, hkawhkam sun makau na Shela hka lawng bunghku hpe, Dawi mare na yu wa ai lakang du hkra gaw da wu ai.

SHAKAWN KUNGDAWN 102:15

Shaloi masha amyu ni Yehowa a amying nsang hpe, Ga ntsa hkawhkam ni nlang na a arawng sadang hpe, hkrit hkungga na mara ai.

SHAKAWN KUNGDAWN 44:13

Anhte a htingbu ni a man e shatan nhkan shara hte, Grup yin e nga ai ni a man e, roi nna asawng asang shara, nang anhte hpe shatai mi ai.

SHAKAWN KUNGDAWN 44:14

Amyu ni a man e ga shadawn shara hte, Amyu baw ni a baw kanga shara, nang anhte hpe shatai mi ai.

SHAKAWN KUNGDAWN 79:12

Madu e, anhte a htingbu ni, Nang hpe shatan nhkan di ma ai hpe, Shanhte a sinda hta, htam sanit bai tai mu.

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

SHARUNG SHAYAWT 2:2

Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

SHARUNG SHAYAWT 3:51

Nye mare shayi sha yawng a majaw, nye a myi ngai hpe kawa machyi shangun nga ai.

EZEKELA 5:14

Dai hta n-ga, na a grup yin e dè nga ai amyu baw ni hte, makau hku lai wa ai ni mahkra a man e, ngai nang hpe shingran katsi ai shara hte shatan nhkan shara shatai na nngai.

MIHKA 7:11

Na a mare bunghku ni de da ai aten du na ra ai; dai aten e na a lamu ga jarit maden jat wa na ra ai.

1 SAMUELA 11:2

Rai timung, Amon masha Nahasha gaw, “Nanhte mahkra a hkra maga na myi baw kau ya nna, Israela amyu ting hpe ngai jahpoi kau shangun lu yang she, nanhte hte htinglu hkraw na nngai,” ngu dat mu ai.