NEHEMIA 13:31 - Jinghpaw Hanson Version Bible

³¹ Ndat da ai aten hta hpun kumhpa hte shawng ngai ai nsi naisi hpe nawng na matu hkang da nngai. Nye a Karai Kasang e, chyeju hku ngai hpe dum e law.

Jinghpaw Common Language Bible 2009

³¹ Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 13:31 ပူးပေါင်းရင်းမြစ်များ

NEHEMIA 10:34

Bai, jep ai tara hta ka da nga ai hte maren, anhte a Karai Kasang a tawn hkungri ntsa e ju na matu, shaning shagu madat da ai aten hta tinang a dap lakung hkan nna, anhte a Karai Kasang a nta kata de hpun kumhpa la sa na matu mung;

NEHEMIA 10:35

shaning shagu na shawng ngai ai nsi naisi, namsi namsaw amyu myu Yehowa nta de la sa na matu mung;

NEHEMIA 10:38

Lewi masha ni gaw htamshi hta htammi lahkawn sha ma yang, Arun amyu hkinjawng ni gaw, Lewi masha ni hte lawm na mara ai. Bai, Lewi masha ni gaw tinang lahkawn la ai hta na, htamshi hta htammi shaw la nna, anhte a Karai Kasang a nta gawk sutdek hta bang da na ma ai.

NEHEMIA 13:14

Nye a Karai Kasang e, dai amu majaw ngai hpe dum e; nye a Karai Kasang a nta matu mung, dai hte seng ai daw jau ai amu matu mung, ngai galaw ai mai kaja ai amu hpe hkum shaprai kau ya e.

NEHEMIA 13:22

Bai, Lewi masha ni gaw, laban nhtoi hpe shachyoi shapra na matu tinang hkum hpe shachyoi shapra nna, chyinghka ni hpe sin nga na lam, ngai shanhte hpe hkang da nngai. Nye a Karai Kasang e, dai lam majaw mung ngai hpe dum ya e; na n-gaw nwai ai myit galu kaba ai hte maren, ngai hpe matsan dum la e law.

NEHEMIA 5:19

Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

SHAKAWN KUNGDAWN 106:4

Nang lata la ai ni a ngamai ai lam ngai mu lu na hte, Na a amyu a kabu gara ai hta ngai mung kabu lu nna, Na a sali wunli hte shakawn kungdawn nga lu n ga,

SHAKAWN KUNGDAWN 25:7

Prat ram nga yang galaw ai yubak hte, Nye a shut hpyit ai hpe hkum matsing da ya et. Yehowa e, na a kaja htum ai myit majaw, Na a chyeju hte maren ngai hpe dum e.

LUKA 23:42

Shing nga nhtawm, shi gaw, “Yesu e, nang na a mungdan hta du wa yang, ngai e dum rit law,” ngu nna hpyi wu ai.