NEHEMIA 13:28 - Jinghpaw Hanson Version Bible

²⁸ Ya hkinjawng agyi Eliasheb a kasha Yoiada a shadang sha langai mi gaw, Horoni masha Sanbalat a kahkri rai nga ai majaw, ngai shi hpe shachyut kau nngai.

Jinghpaw Common Language Bible 2009

²⁸ Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 13:28 ပူးပေါင်းရင်းမြစ်များ

EZRA 10:8

du ni hte agyi salang ni hpaji daw ai hte maren masum ya laman e n du ai wa kadai hpe, shi lu malu sum wa na hte, shi hkum nan bawng lawt ai ni a hpung na shapraw kau ai hkrum na ra ai,” ngu nna htet da ai ga shabra dat mu ai.

NEHEMIA 12:10

Yeshua gaw Yoiakim hpe shaprat wu ai; Yoiakim Eliashib hpe shaprat wu ai; Eliashib Yoiada hpe shaprat wu ai;

NEHEMIA 12:22

Dai hta kaga, Eliashib, Yoiada, Yohanan hte Yadua aprat e Lewi dap lakung ni a agyi ni hpe mung, hkinjawng dap agyi ni hpe mung, Persi hkawhkam Dari prat du hkra, ka matsing da ai jahpan rai nga ai.

NEHEMIA 13:25

Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

NEHEMIA 2:10

Shing rai, Israela kashu kasha ni hpe lanu lahku ya na nga, masha langai mi sa wa ai lam, Horoni masha Sanbalat hte, mayam rai nga ai Ammon masha Tobia na mu yang, shan gaw nachying myit n pyaw nga ma ai.

NEHEMIA 2:19

Ya, Horoni masha Sanbalat, mayam rai nga ai Ammon masha Tobia hte Arabi masha Geshem hte gaw dai lam na jang, shanhte asawng asang mani let anhte hpe roi nna, “Nanhte galaw ai lam hpa rai ta? Hkawhkam wa hpe gumlau na myit ni?” ngu nna tsun mi ai.

NEHEMIA 3:1

Dai hpang hkinjawng agyi Eliashib hte shi a kahpu kanau hkinjawng ni gaw rawt nna, sagu chyinghka lam hpe galaw da ma ai; shanhte dai hpe shachyoi shapra nna, chyinghka ni noi da mu ai; Hamea langchyi du hkra, rai sa, Hananela langchyi du hkra, shanhte shangut nna shachyoi shapra da mu ai.

NEHEMIA 4:1

Shing rai anhte gaw, mare bunghku gaw da ai lam, Sanbalat na wu yang, shi pawt bu nna, ja ja myit kahtet let Yuda masha ni hpe roi nga ai.

SHAKAWN KUNGDAWN 101:8

N hkru ai amu galaw ai ni nlang hte hpe, Yehowa a mare na jahkoi kau na, Dai mung na tara n lang ai ni yawng hte hpe, Ngai jahpawt shagu atsai awai di kau na mawe ai.

GA SHAGAWP 20:26

Hpaji rawng ai hkawhkam gaw, n hkru ai ni hpe tsan kau nna, Shanhte a ntsa e hpwi rin shangun nga ai.

GA SHAGAWP 20:8

Tara tingnyang hta dung ai hkawhkam wa gaw, N kaja ai yawng mayawng hpe, shi a myi hte tsan kau nga ai.