NEHEMIA 13:26 - Jinghpaw Hanson Version Bible

²⁶ Hpa majaw nga yang, Israela hkawhkam Shawlumon gaw, dai lam galaw nna, shut nga ai, n rai ni? mung mi hte mung mi shi hte bung ai hkawhkam n nga ai; shi a Karai Kasang mung shi hpe tsawra nna, Israela amyu ting a ntsa e hkawhkam shatai nu ai; rai timung, shi nan, maigan num ni a majaw shut hpyit nga a hka.

Jinghpaw Common Language Bible 2009

²⁶ Ngai gaw, “Hkawhkam Shawlumon hpe yubak galaw shangun ai mung maigan num ni a majaw rai nga ai. Shi gaw kaga masha amyu baw ni a hkawhkam ni hta grau nna galu kaba ai wa rai nga ai. Karai Kasang gaw shi hpe tsaw ra ai hte Israela amyu yawng a matu shi hpe hkawhkam shatai nu ai; ti mung shi gaw yubak kata de lup shang mat wa nu ai.

NEHEMIA 13:26 ပူးပေါင်းရင်းမြစ်များ

1 HKAWHKAM 21:25

Hpa majaw nga yang, Ahab zawn Yehowa man e n kaja ai amu galaw na nga, tinang hkum hpe dut kau ai wa kaga kadai mung n nga ai; shi a madu jan Yezebela mung shi hpe shatsam wu ai.

1 HKAWHKAM 3:12

yu u, nang hpyi ai hte maren ngai jaw sade ai. Ngai nang hpe hpaji byeng-ya rawng ai hte chye chyang ai myit jaw ni ai: nang zawn hpaji rawng ai, na a shawng e kadai n nga, na a hpang e kadai n pra na ra ai.

1 HKAWHKAM 3:13

Dai hta n-ga, nang n hpyi lawm ai sutgan hte arawng sadang mung, ngai nang hpe kahtap jaw sade ai: nang pra nga ai prat dingsa e, nang hte bung ai hkawhkam langai mi n paw pru na sai.

1 HKAWHKAM 4:1

Ya hkawhkam Shawlumon gaw, Israela mungdan ting a hkawhkam rai nga ai.

2 HKAWHKAM LABAU 1:12

hpaji byeng-ya hte chye chyang ai myit nang hpe jaw da ni ai: dai hta kaga, na a shawng na hkawhkam ni mung n lu la yu ai hte, na a hpang na hkawhkam ni mung n dep lu hkra, sutgan, arung arai, arawng sadang ngai nang hpe jaw na de ai, ngu wu ai.

2 HKAWHKAM LABAU 9:22

Shing rai hkawhkam Shawlumon gaw, ga ntsa hkawhkam ni mahkra hta, sutgan hte hpaji byeng-ya grau nga ai.

GA SHAGAWP 31:3

Na a n-gun marai numsha ni hpe hkum jaw kau et, Hkawhkam ni hpe jahten shabyak ai lam hkum hkan et.

HPAJI NINGLI 7:26

Shing rai, mahkam hte sumgawn rai nna, shi a lata yan sumri hte bung ai numsha a myit masin gaw, si hkrung si htan hta grau yak la ai hpe, ngai mu hkrup nngai: Karai Kasang myi man shapa ai wa gaw, dai num a lata na lawt lu na ra ai; yubak kap ai wa chyawm gaw gyit hkang ai hkrum na ra ai.