NEHEMIA 13:22 - Jinghpaw Hanson Version Bible

²² Bai, Lewi masha ni gaw, laban nhtoi hpe shachyoi shapra na matu tinang hkum hpe shachyoi shapra nna, chyinghka ni hpe sin nga na lam, ngai shanhte hpe hkang da nngai. Nye a Karai Kasang e, dai lam majaw mung ngai hpe dum ya e; na n-gaw nwai ai myit galu kaba ai hte maren, ngai hpe matsan dum la e law.

Jinghpaw Common Language Bible 2009

²² Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:22 ပူးပေါင်းရင်းမြစ်များ

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

2 HKAWHKAM 23:4

Bai hkawhkam wa gaw, Yehowa nawku Htingnu hta na, Bala Hpara matu mung, Ashera sumla matu mung, sumsing lamu shagan ni a matu mung galaw da ai arai ni yawng hpe shapraw kau mu, ngu nna hkinjawng agyi Hilkia hte hkinjawng hpunglum ni hte nta hkinbawng sin ai ni hpe hkang da mu ai rai nna, dai arai ni hpe Yerusalem mare shinggan, Kedron pa hta nat kau nhtawm, de a wan dap ni hpe Behtela du hkra hpai kau mu ai.

2 HKAWHKAM LABAU 29:24

hkinjawng ni gaw dai hpe sat nna, Israela amyu ting a matu gawng malai hkungga nawng ya let, dai sai hte tawn hkungri ntsa e htingrai htingrat ya mu ai; kaning rai nme law, wan nat hkungga mung, mara raw hkungga mung, Israela amyu ting a matu tai wa u ga,” nga nna hkawhkam wa hkang da nu ai.

2 HKAWHKAM LABAU 29:27

Bai, Hezekia gaw, dai tawn hkungri ntsa e wan nat hkungga nawng ya na hpe, hkang da mu ai. Ya wan nat hkungga hpe nawng ya hpang yang, pahtau dum ai ni hte Dawi a dum ai baw lang ai ni gaw dum let, Yehowa hpe mahkawn mangoi ga mung mahkawn hpang ma ai.

2 HKAWHKAM LABAU 29:30

Dai hta kaga, Dawi hte myihtoi Asap jahtuk da ai mahkawn ga hte Yehowa hpe shakawn kungdawn na nga, hkawhkam Hezekia hte du salang ni gaw, Lewi masha ni hpe hkang da mu ai. Shanhte gaw kabu gara myit hte mahkawn mangoi let, gum dagup nna nawku nga ma ai.

NEHEMIA 12:10

Yeshua gaw Yoiakim hpe shaprat wu ai; Yoiakim Eliashib hpe shaprat wu ai; Eliashib Yoiada hpe shaprat wu ai;

NEHEMIA 12:30

Hkinjawng ni hte Lewi masha ni gaw, tinang hkum hpe jasan jaseng kau nna, mung masha ni hpe mung, chyinghka ni hpe mung, bunghku ni hpe mung jasan jaseng kau ma ai.

NEHEMIA 13:14

Nye a Karai Kasang e, dai amu majaw ngai hpe dum e; nye a Karai Kasang a nta matu mung, dai hte seng ai daw jau ai amu matu mung, ngai galaw ai mai kaja ai amu hpe hkum shaprai kau ya e.

NEHEMIA 13:31

Ndat da ai aten hta hpun kumhpa hte shawng ngai ai nsi naisi hpe nawng na matu hkang da nngai. Nye a Karai Kasang e, chyeju hku ngai hpe dum e law.

NEHEMIA 5:19

Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

SHAKAWN KUNGDAWN 130:7

Israela e, Yehowa hpe ala nga u; Yehowa gaw chyeju myit rawng nga ai rai nna, Hkye hkrang la ai lam kaba shi hte rau rai nga ai.

SHAKAWN KUNGDAWN 5:7

Ngai chyawm gaw, na a kaba ai chyeju majaw, na a nta hta shang lu nngai. Nang hpe hkrit hkungga ai hte, na a Htingnu de yawng let, nawku lu nngai.

SHAKAWN KUNGDAWN 51:1

Karai Kasang e, na a chyeju hte maren, ngai hpe matsan dum la e, Na a n-gaw nnyeng myit kaba nga ai hte maren, nye a mara arut kau ya e.

ESAIA 38:3

Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law” ngu nna hkrap ngu hkrap ngoi let, Yehowa hpe hpyi nem wu ai.

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

TARA JAHPRANG 5:12

Na a Karai Kasang Yehowa nang hpe hkang da sai hte maren, laban nhtoi hpe shachyoi shapra na, dai hpe matsing nga u: