NEHEMIA 13:18 - Jinghpaw Hanson Version Bible

¹⁸ Ji wa ni dai lam galaw ai majaw, Karai Kasang gaw anhte a ntsa e mung, ndai mare ntsa mung, ndai ari ahpri shapraw da ai, n rai nga a ni? Ya nanhte nan laban nhtoi hpe awu asin di kau ai hte, Israela ntsa e grau nna pawt sindawng ai, du shangun nga myit hka,” ngu nna Yuda agyi salang ni hpe daru mu ai.

Jinghpaw Common Language Bible 2009

¹⁸ Ndai lam a majaw, Karai Kasang gaw nanhte a kaji kawa ni hpe ari jaw nna ndai mare hpe jahten sharun kau nga ai. Ya rai tim, Bansa Nhtoi hpe awu asin galaw let Karai Kasang a pawt sindawng ai hpe Israela a ntsa e grau nna du shangun na matu nanhte shadut shatsang nga myit hka!,” ngu nna daru let tsun wu ai.

NEHEMIA 13:18 ပူးပေါင်းရင်းမြစ်များ

NEHEMIA 10:32

Dai hta kaga anhte gaw, anhte a Karai Kasang a nta hta daw jau ai amu ngu ai, madun dan ai muk ni a matu mung,

PRU MAT 31:12

Bai Yehowa Mawshe hpe shaga tsun wu ai gaw,

YEREMIA 17:27

Rai timung nanhte gaw nye a ga n madat ai hte, laban nhtoi hpe n shachyoi shapra ai; dai nhtoi e Yerusalem mare chyinghka ni hta lit gun hpai jashawn nga ai rai yang gaw, dai mare chyinghka ni hpe ngai wan nat nna, dai wan gaw n krip ai, Yerusalem htingnu ni hpe hkru kau na ra ai, nga ai.

YEREMIA 44:22

Ndai nanhte galaw ai n hkru la ai matsat shabat amu ni hpe, Yehowa naw n sharang lu ai majaw, nanhte mungdan gaw dai ni rai nga ai hte maren, masha kata ai, shingran katsi ai, mauhpa shara hte dagam dala shara tai wa sahka.

YEREMIA 44:23

Nanhte gaw manam pyaw ai baw nat nawng nna, Yehowa hpe shut kau ai majaw mung, Yehowa ga n madat ai hte, shi hkang da ai tara, matsun maroi ga hte sakse ga n hkan nang ai majaw mung, dai ni rai nga ai hte maren, ndai tsin-yam tsindam nanhte a ntsa e du nga ai, nga mu ai.

YEREMIA 44:9

Yuda mung hte Yerusalem mare lam ni hta, nanhte a nji nwa ni galaw ai yubak, Yuda hkawhkam ni galaw ai yubak, hkawhkam jan ni galaw ai yubak, nanhte hkum nan galaw ai yubak hte nanhte a madu jan ni galaw ai yubak hpe, nanhte malap kau manu ni?

EZEKELA 23:26

Bai shanhte gaw na a hpun palawng hpe sharun kau nna, tsawm la ai gali lakai ni hpe hpyu la na mara ai.

EZEKELA 23:8

Shing rai shi gaw, Egutu mung e nga ai prat kaw nna shi shut hpyit ai hpe kau da ai, n rai: shi a hkawn ji prat e shanhte gaw shi hte yup ma ai; shi a madoi chyu hpang shanhte manat darin nna, shi hte shut hpyit ma ai.

JAW JAU 26:18

Dai hte hkrum sha timung nye a ga n madat ai naw nga myit yang gaw, yubak htam sanit naw kahtap jaw na made ai.

JAW JAU 26:28

ngai nanhte hpe pawt ai hte nhtan shai ai hku galaw nna, nanhte a mara majaw ari htam sanit naw jaw na made ai.

AMO LAIKA (AMOS) 8:5

dang hpe kaji, joi hpe kaba shangun nna, maw sha map sha let, Anhte mam dut lu na, shata praw hkaulan mam dut lu na, laban nhtoi lau lai u ga, nga nna tsun let,

BU HKAWM 32:14

Ya mung Yehowa, Israela kashu kasha ni hpe grau nna pawt bu na hku, grau n shawp ai ni nanhte gaw, nanhte a kawa ni a malai bai dawng pru marin hka i?