NEHEMIA 13:13 - Jinghpaw Hanson Version Bible

¹³ Bai, hkinjawng Shelemia, chyare wa Zadok hte Lewi masha Pedaia hte hpe, sutdek ntsa e up ai agyi ni tai na, ngai san da nngai: shanhte a lawu e Matania kashu, Zahkura kasha Hanan rai nga ai; shanhte gaw kangka re ai masha ni rai nga nna, kahpu kanau ni hpe karan jaw ai amu gun nga ma ai.

Jinghpaw Common Language Bible 2009

¹³ Ngai gaw sut gawk ni hpe hpareng na matu ndai masha ni hpe san tawn nngai: dai ni gaw hkinjawng Shelemia, Tara sara ninghkrin Zadok, Lewi masha Pedaia; Matania a kashu, Zahkura a kasha Hanan gaw shanhte hpe karum shingtau na wa rai nga ai. Ndai masha ni gaw myit malang nga ma ai rai nna shanhte a hpu nau amu galaw masha ni hpe karan jaw ai amu hta kam mai nga ai gaw ngai chye nga nngai.

NEHEMIA 13:13 ပူးပေါင်းရင်းမြစ်များ

2 HKAWHKAM 12:15

kaning rai nme law, shanhte gaw dai gumhpraw hpe, Yehowa nta galaw lajang nga ai ni hpe karan jaw nna, dai nta hpe lajang na matu tawn da mu ai.

2 HKAWHKAM 12:16

Dai hta n-ga, amu galaw ai ni hpe karan jaw na matu, gumhpraw sim da ai ni gaw, kangka rai nga ma ai majaw, shanhte hpe jahpan n hpyi mu ai.

2 HKAWHKAM 22:7

Rai timung, shanhte kangka rai nga ai majaw, shanhte a lata hta ap ya ai gumhpraw hpe, hpa jahpan hpyi wu ai, n rai.

NEHEMIA 10:12

Zahkura, Sherebia, Shebania,

NEHEMIA 10:38

Lewi masha ni gaw htamshi hta htammi lahkawn sha ma yang, Arun amyu hkinjawng ni gaw, Lewi masha ni hte lawm na mara ai. Bai, Lewi masha ni gaw tinang lahkawn la ai hta na, htamshi hta htammi shaw la nna, anhte a Karai Kasang a nta gawk sutdek hta bang da na ma ai.

NEHEMIA 11:22

Yerusalem mare e de nga ai Lewi masha ni a ntsa e up ai wa, Mihka, Matania, Hashabia, Bani hta na hkrat ai, Uzia rai nga ai: shi gaw Karai Kasang a nta hte seng ai, mahkawn mangoi amu up ai, Asap a kashu kasha ni hta na rai nga ai.

NEHEMIA 12:35

pahtau lang ai hkinjawng kasha ni nkau mi: Asap, Zahkura, Mihkaia, Matania, Shemaia, Yonahtan a kasha Zehkaria;

NEHEMIA 12:44

Shaloi hkinjawng ni hte Lewi masha ni gaw, daw jau ai amu hpe gun hpai nga ma ai majaw, Yuda masha ni kabu gara nga ma ai rai nna, hkinjawng ni hte Lewi masha ni mare ni kaw na hkam la ang ai, shawng ngai ai nsi naisi hte nwat hkungga ni hte htamshi hta htammi lahkawn la nna mahkawng da ai sutdek hpe up na matu, shanhte gaw dai ni jang up ai masha ni hpe san da mu ai.

NEHEMIA 3:30

Shi a hpang e Shelemia kasha Hanan hte, Zalap a kru ngu na kasha Hanun gaw, daw mi lajang nga ma ai. Shi a hpang e Berehkia kasha Meshulam gaw shi a yup gawk tawtap e lajang nga ai.

NEHEMIA 7:2

Yerusalem mare hpe up na matu, ngai nau Hanan hte hpyen dap up ai bu Hanania hpe san da mu ai: kaning rai nme law, shi gaw kangka ai hte, masha law law hta Karai Kasang hpe grau nna hkrit hkungga nga ai.

NEHEMIA 8:4

Chyare wa Ezra gaw, shanhte shachyaw san da ai tara tingnyang ntsa e tsap nga nna, shi a hkra maga de, Mahtia, Shema, Anaia, Uria, Hilkia hte Masia; pai maga de, Pedaia, Mishaela, Malhkia, Hashum, Hashbadana, Zehkaria, Meshulam hte tsap nga ma ai.

LUKA 12:42

Dai rai nna Madu gaw, “Nta madu shi a kun dinghku ntsa e san tawn da nna, aten du jang lusha karan jaw lu na kangka re ai hte myit su ai kunhting wa, kadai rai nga a ta?

KASA 4:35

kasa ni a lagaw nhpang e sa tawn da ma ai; dai rai nna, kadawn ai wa kadai hpe mung rap shara nna, karan jaw karan ya mu ai.

KASA 6:1

Ya, sape ni law htam wa ai nhtoi hte yang, Heleni ngu ai ni hta na gaida jan ni hpe, shani shagu na galaw lu galaw sha ai amu hta shadawng tawn ai nhkan e, dai Heleni ni gaw Hebre masha ni hpe, aput angun nga ma ai.

KASA 6:3

Dai majaw, hpunau ni e, nanhte hta na sari rawng nna, Chyoi pra ai Wenyi hte hpaji byeng-ya hta myit kup ai masha marai sanit lata tawn mu; dai ni hpe ndai amu madu shangun na matu, anhte san da nme ga.

1 KORINHTU 4:2

Dai hta kaga, kunhting ni gaw kangka rai nga yang she, masha e ra ai hku rai nga ai.

1 TIMOHTI 1:12

Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

1 TIMOHTI 3:10

Shanhte gaw shawng e chyam dinglik yu ai hkam nna, dai hpang e mara n rawng ma yang gaw, hpungtau amu galaw nga mu ga.