NEHEMIA 12:43 - Jinghpaw Hanson Version Bible

⁴³ Dai shani jang shanhte gaw grai kaba ai shagu hkungga ni nawng ya nna, Karai Kasang shanhte hpe ja ja kabu shangun ai majaw, shanhte gaw kabu gara nga ma ai: kasha kanu ni hte kashu kasha ni mung kabu gara nga ma ai rai nna, Yerusalem a kabu gara ai gaw, tsan tsan kaw nna na lu ma ai.

Jinghpaw Common Language Bible 2009

⁴³ Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

NEHEMIA 12:43 ပူးပေါင်းရင်းမြစ်များ

2 HKAWHKAM LABAU 20:13

Yuda masha ni, madu jan, kashu kasha, kaji kaba yawng, Yehowa a man e tsap nga ma ai.

2 HKAWHKAM LABAU 20:27

Dai hpang Yehosahpat woi awn ai hte, Yuda mung hte Yerusalem masha ni nlang hte gaw kabu gara let Yerusalem mare de bai wa ma ai: kaning rai nme law, Yehowa gaw hpyen ni a ntsa e shanhte hpe kabu shangun mu ai.

2 HKAWHKAM LABAU 7:10

Ya, shata sanit a nhtoi hkun masum ya e shi gaw shawa masha ni hpe shabawn dat nna, Yehowa gaw Dawi hpe mung, Shawlumon hpe mung, shi a amyu Israela hpe mung, galaw dan ai ngamu ngamai lam majaw shanhte kabu gara ai hte tinang a nta sum de bai wa ma ai.

EZRA 3:13

shing rai mung masha ni kabu gara jahtau garu ai hte, hkrap ngu hkrap ngoi wu ai nsen hpe, shanhte n chye ginhka mu ai: Kaning rai nme law, mung masha ni gaw ja ja jahtau garu nga ma ai rai nna, dai ngoi wu ai nsen gaw, tsan tsan kaw nna na ma ai.

NEHEMIA 12:27

Ya Yerusalem a mare bunghku hpe Karai Kasang hpe ap ya ai shaloi jang, ap ya ai poi hta, kabu gara ai hte chyeju dum let, mahkawn mangoi nna, shupsheng, doria, hte tingse dum na matu, shara shagu hkan nga ai Lewi masha ni hpe tam nna, Yerusalem de woi lung wa mu ai.

NEHEMIA 12:42

Masea, Shemaia, Eleaza, Uzi, Yehohanan, Malhkiya, Elam, Ezera hte rai ma ai. Mahkawn mangoi ai ni gaw, shanhte hpe up ai wa Yezrahia woi awn ai hte aja awa mahkawn mangoi nga ma ai.

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

SHAKAWN KUNGDAWN 27:6

Ya shi gaw, grup yin e nga ai, ngai hpe gumlau ai ni a ntsa e, Nye a baw hpe, sharawt ya ni ai. Shi a sum hta pahtau dum let ngai hkungga jaw na nngai. Ngai Yehowa hpe mahkawn mangoi nna, tingse dum na nngai.

SHAKAWN KUNGDAWN 28:7

Yehowa gaw nye a n-gun hte n-gang rai nga ai, Shi hta nye a myit shingbyi nga nna ngai karum ai hkrum ni ai. Dai majaw nye a myit awng nga nna, Mahkawn mangoi let ngai shi hpe chyeju jaw na nngai.

SHAKAWN KUNGDAWN 9:2

Na a majaw ngai kabu nna, myit pyaw nga na nngai, Tsaw htum ai Wa e, na a amying hpe ngai mahkawn mangoi na nngai.

SHAKAWN KUNGDAWN 92:4

Kaning rai nme law, Yehowa e, Na a amu hta nang ngai hpe kabu shangun nna, Na lata a bungli majaw, ngai awng wa na nngai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

BU HKAWM 10:10

Nanhte a kabu gara shani hta mung, madat da ai poi shani hta mung, shata praw shani hta mung, nanhte a Karai Kasang nanhte hpe dum nga na matu, nanhte a wan nat hkungga ni, nanhte nawng ai mahku hkungga ni hta pahke dum na rai myit dai: ngai gaw nanhte a Karai Kasang Yehowa rai nga nngai,” ngu wu ai.

MAHTE 21:15

Hkinjawng agyi ni hte laika ka ai sara ni chyawm gaw, shi galaw ai mauhpa amu hte, “Dawi a Kasha kaw, Hawsanna rai wa u ga,” nga nna Htingnu kata hta jahtau ai ma ni hpe mu mu yang, shanhte myit yu kahtet ma ai rai nna, “Ndai ni tsun ai ga hpe nang na da nu ni?” ngu nna shi hpe san mu ai.

MAHTE 21:9

Shi a shawng e sa wa ai hte, hpang de hkan nang ai masha wunawng ni gaw jahtau ma ai rai nna, “Dawi a Kasha kaw, Hawsanna, rai wa u ga; Madu a amying ningsang hte du sa ai wa gaw, a nga ai law! Tsaw Htum ai shara e, Hawsanna, rai wa u ga,” nga ma ai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

EHPESU 5:19

shakawn kungdawn ga, mahkawn mangoi ga, Wenyi hte seng ai laka ga hte shada da tsun nga let, nanhte a kraw lawang hta dai Madu hpe mahkawn mangoi nga nna, mahku shangwi nga mu:

YAKU 5:13

Nanhte hta langai ngai nji nmu hkoi hkrum nga myit ta? shi akyu hpyi nga u ga; langai ngai myit pyaw nga a yang gaw, shi mahkawn mangoi nga u ga.

1 SAMUELA 4:5

Yehowa a ga shaka sumpu dap de du jang, Israela masha ni nlang, lamu ga kanan hkra, nachying hkap garu ma ai.